जन्मोत्सवमा आश्रमका बा-आमा र गुरुकुलका विद्यार्थीहरुसंग खुसी साटासाट

धादिङबेशी । गजुरी गाउँपालिकाका अध्यक्ष गणेशलाल श्रेष्ठले आफ्नो जन्मोत्सवको अवसर पारेर गजुरी गा.पा वडा नं २ स्थित भद्रकाली बृद्धा आश्रमका बृद्धा बा–आमा र भद्रकाली गुरूकुल संस्कृत वेद विद्यालयमा अध्ययनरत बिद्यार्थीहरु संग भेटघाट गरि खुसी साटासाट गर्नुभएको    छ ।

अध्यक्ष गणेशलाल श्रेष्ठले आफ्नो जन्मोत्सवलाई साथीभाई र आफन्त संग रमाईलो र भोज भतेर भन्दा पनि सामाजिक कामलाई प्राथिमिकता दिनु भएको हो । शनिबार बिहानै भद्रकाली बृद्धा आश्रममा रहेका बृद्वा आमा, बुबाहरूलाई भेटघाट तथा न्यानो कोसेली प्रदान गरेर आशिर्वाद लिँदै र माया बाँड्नु भएको हो ।

त्यसैगरी उहाँले भद्रकाली गुरूकुल संस्कृत वेद विद्यालयमा अध्ययनरत बटुक/विद्यार्थीहरूलाई कपि पेन वितरण गर्नुहुँदै भद्रकाली गुरुकुल संस्कृत वेद बिधालय ब्यबस्थापन समिति कोषमा पाँच हजार एक सय रकम दान गर्नुभएको छ । सोहि समारोहमा डाक्टर अजित पाण्डेले पनि कोषमा एक हजार एक सय रुपैया सहयोग गर्नु भएको थियो ।