गोरखा नगरपालिकाको कार्यालय परिसरमा किसानले गरे बिरोध स्वरुप रोपाई

गोरखा । बाढी नियन्त्रणका लागि ग्याविन वाल लगाउन जेसिभी उपलब्ध नगराएको भन्दै गोरखाका किसानहरुले गोरखा नगरपालिकाको कार्यालय परिसरमा रोपाई गरेका छन् । गोरखा नगरपालिका वडा नम्वर ३ र ५ का किसानहरुले बिरोध स्वरुप शुक्रवार दिउँसो कार्यालय परिसरमा रोपाई गरेका हुन् ।

गत असार २७ गते बेनिखोलामा आएको बाढी पसेर करिव डेढ सय रोपनी क्षेत्रफलको धान खेति बगाएपछि त्यहाँ ग्याविन जाली भर्न फाउण्डेशन खन्ने कामका लागि नगरपालिकासँग मेसिन माग्दा आलटाल गरेपछि बिरोधमा उत्रिन बाध्य भएका बिरोधमा उत्रिएका किसानहरुले बताएका छन् । खोलामा आएको बाढीका कारण १९ वटा कुलोमा क्षति समेत पुगेको उनिहरुको भनाई छ ।

तारजाली, त्यो भर्ने पैसा र गाडी रिजर्भ गरेर आएको भाडा नगरपालिकाले व्यहोनुर््पर्ने उनीहरुको माग छ । माग पूरा नभए नगरपालिकाको कामकाज ठप्प बनाउने उनिहरुले चेतावनी समेत दिएका छन् ।