गंगाजमुनाको तावलमा नेतृत्व विकास तालिम

धादिङबेशी । गंगाजमुना गाउँपालिका वडा नं २ तावलमा समुह व्यवस्थापन तथा नेतृत्व विकास तालिम मंगलबारबाट शुरु भएको छ । गंगाजमुना वडा नं २ का वडाध्यक्ष बल बहादुर तामाङको आतिथ्यतामा शुर भएको नेतृत्व विकास सम्बन्धि २ दिने तालिममा १३ जना सहभागीता रहेको थियो ।

बुधबार सम्म संचालन हुने तालिम उद्घघाटनमा सत्रमा शुभ कामना दिनु हुँदै वडाध्यक्ष बल बहादुर तामाङले कृषकहरुले परम्परागत खेती प्रणालीबाट अब व्यवसायिक खेती गर्न अग्रसर हुनु पर्ने र यसको लागि गाउँपालिकाले प्रयास नेपाल,धादिङ सँग समन्वय र सहकार्य गरि कृषि तथा पशुपालनमा उत्पादन तथा उत्पादकत्व बढाउन कार्यक्रम संचालन गरिएको बताउनु भयो ।

प्रयास नेपाल धादिङले आड्रा नेपालको साझेदारी तथा गंगाजमुना गाउँपालिकाको समन्वयमा संचालनमा भएको उत्थानशील जिविकोपार्जन तथा खाद्य सुरक्षा सुढृढिकरण परियोजना अन्तरगत वडा नं १ र २ मा गठित कृषक समुहका पदाधिकारीहरुको लागि २ नेतृत्व विकास तालिम संचालन गरिएको हो ।