नेत्रावती डवजोङ गाउँपालिकामा बैशाख १५ गते सुन्दर हस्तलेखन प्रतियोगिता हुने

धादिङ,१२ बैशाख
धादिङको नेत्रावती डवजोङ गाउँपालिकामा तेस्रो पटक पालिका स्तरीय शुन्दर हस्तलेखन प्रतियोगिता हुने भएको छ । मार्पाक सामुदायिक क्लबको आयोजना, निरन्जना माद्यामिक विद्यालयको संयोजन तथा गजकेशर थामे अधिकारी कल्याण समाजको प्रायोजकमा बैशाख १५ गते हस्तलेखन प्रतियोगिता हुने भएको हो ।

नेपाली र अंग्रेजी दुबै माध्यामबाट हुने प्रतियोगितामा गाउँपालिका भित्रका ८ वटा बिध्यालयहरुको कक्षा ५ देखि कक्षा ८ सम्मका बिध्यार्थीहरुले सहभागिता जनाउन सक्ने बताईएको छ । प्रतियोगिता बैशाख १५ गते, शुक्रबार, बिहान ११ः०० बजे निरन्जना माद्यामिक विद्यालयको परिसर, मार्पाकमा हुने आयोजकले जनाएको छ ।