बाढीपीडितका लागि ज्वालामूखीका कर्मचारीले सात दिनको तलब सहयोग गर्ने
बाढी प्रभावित नुवाकोटको अक्करेमा पतञ्जली योग समिति धादिङद्वारा सामूहिक भोजन सेवा
रसुवा बाढीपहिरोमा नीलकण्ठका २९ जनाको मृत्यु पुष्टि, नगरपालिकाले खोज, उद्धार र अन्त्येष्टि खर्च व्यहोर्ने,भोलि शोक विदा दिने निर्णय
वडा अध्यक्ष अक्षय कोष, नीलकण्ठ कर्मचारी र ब्याडमिन्टन खेलाडीको सहयोगमा नुवाकोटमा राहत वितरण विपद् प्रभावितको उद्धार र पुनःस्थापनामा ज्वालामूखी जनप्रतिनिधिको एक महिनाको सेवा–सुविधा सहयोग गर्ने
भोटेकोसी बाढीमा ज्यान गुमाएका परिवारलाई नीलकण्ठ नगरपालिकाको ४० हजार राहत
धादिङबेशी,१४ बैशाख । धादिङ अस्पतालमा डिजिटल प्रविधिको प्रयोग विस्तार गर्दै इलेक्ट्रोनिक मेडिकल रेकर्ड (ईएमआर) प्रणाली सुरु भएको छ । सोमबार बागमती प्रदेशका स्वास्थ्य मन्त्रि किरण थापा मगरले उक्त सेवाको सुभारम्भ गर्नु भएको हो ।
सेवाको औपचारिक सुभारम्भ भएसंगै अव धादिङ अस्पतालमा बिरामीको उपचार इतिहास डिजिटल रूपमा सुरक्षित हुने र आवश्यक पर्दा कोड नम्बरमार्फत सजिलै हेर्न सकिने भएको छ । यसले कागजी फाइल हराउने समस्या हट्नुका साथै सेवा प्रवाह छिटो र व्यवस्थित हुने अपेक्षा गरिएको छ । बागमती प्रदेश सरकारले हाल इलेक्ट्रोनिक मेडिकल रेकर्ड (ईएमआर) प्रणाली प्रदेशको १३ जिल्ला मध्ये धादिङ र सिन्धुलीमा सुरुवात गरेको हो ।
सेवा सुभारम्भ समारोहमा बोल्दै मन्त्रि थापाले प्रदेशका १३ वटा प्रादेशिक अस्पतालको सेवा विवरण अब ड्यासबोर्ड र मोबाइल एपमार्फत अनुगमन गर्न सकिने व्यवस्था लागू गरिएको बताउनु भयो । उहाँले विश्व स्वास्थ्य संगठन (डब्लुएचओ)को सहयोगमा ईएमआर सुरु गरिएका बताउँदै अन्य अस्पतालमा पनि क्रमशः विस्तार गर्ने योजना रहेको बताउनु भयो । मन्त्री थापाले स्वास्थ्यकर्मीलाई डिजिटल प्रणाली प्रयोगमा सक्रिय हुन आग्रह गर्दै पेपरलेस प्रणालीतर्फ बागमती प्रदेश अघि बढिरहेको उल्लेख गर्नुभयो । मन्त्री थापाले धादिङ अस्पताल पनि अव बर्न सेवा सुरु गरिने जानकारी दिँदै स्वास्थ्य सेवा विस्तार र गुणस्तर सुधारमा प्रदेश सरकार केन्द्रित रहेको बताउनु भयो । उहाँले उपकरण र जनशक्ति अभाव क्रमशः समाधान गर्दै लगिने र आवश्यकताअनुसार डायलाइसिस सेवा विस्तारका लागि थप मेसिन उपलब्ध गराइने प्रतिबद्धता जनाउनुभएको छ ।
त्यसैगरि सोहि समारोहमा बोल्दै बागमती प्रदेशका स्वास्थ सचिव डा. सुमित्रा गौत्तमले प्रदेश सरकारले डिजिटल प्रविधिको प्रयोगमार्फत स्वास्थ्य क्षेत्रमा सुशासन, पारदर्शिता र सेवा प्रभावकारिता बढाउने लक्ष्य लिएको जानकारी दिनुभयो । सोहि समारोहमा अस्पताल ब्यवस्थापन समितिका अध्यक्ष राधिका सापकोटाले स्वास्थ्य बिमाबाट समयमै रकम नआउँदा समस्यामा परेको उल्लेख गर्दै बिगतको भन्दा अस्पतालको सेवामा सुधारत्मक प्रगती भएको बताउनु भएको थियो । उहाँले अस्पतालमा कार्यरत स्वास्थ्यकर्मीहरुको मनोबल बृद्धि गराउनुपर्ने कुरामा जोड दिनुभएको थियो ।
सो समारोहमा बागमती प्रदेशका साम्सद गोविन्द लम्साल,नेपाल रेडक्रस सोसाईटीका सभापति दुलर्भ तामाङ, नेपाल पत्रकार महासंघ धादिङ शाखाका सभापती सिताराम अधिकारी लगाएतको उपस्थिति रहेको थियो ।
