निरन्जना माविले जित्यो पालिका स्तरिय राष्ट्रपति रनिङ शिल्डको उपाधी
नीलकण्ठ १२ का अध्यक्ष भण्डारीद्वारा ९ लाख लागतको तातोपानी चौतारो पार्क शिलान्यास
उत्तम अधिकारी पुनः रास्वपामा प्रवेश
धादिङ–२ मा नेकपाको चुनावी तयारी तीव्र : सातै पालिकामा जिम्मेवारी बाँडफाँट
नेपाली काँग्रेसको चुनावी अभियान तिव्रः हेमराज श्रेष्ठको नेतृत्वमा १५१ सदस्यीय निर्वाचन परिचालन समिति गठन
नीलकण्ठ–७, ८ र ९ मा नेकपाका उम्मेद्वार रामबहादुर भण्डारीको घरदैलो अभियान, मतदातासँग प्रत्यक्ष संवाद
धादिङ, ७ फागुन ।
नीलकण्ठ नगरपालिका–१२ स्थित साङ्कोष माध्यमिक विद्यालयका विद्यार्थीहरूलाई प्रजातन्त्र दिवसको अवसर पारेर शैक्षिक सामग्री वितरण गरिएको छ । विद्यालयमा अध्ययनरत कक्षा शिशुदेखि कक्षा १२ सम्मका करिब दुइ सयजना विद्यार्थीलाई झोला तथा विभिन्न स्टेशनरी सामग्री वितरण गरिएको हो।
नीलकण्ठ १२ स्थायी निवासी समाजसेवी तथा पर्यटन व्यवसायी शिवहरि सापकोटाको समन्वयमा उक्त सामग्री वितरण गरिएको विद्यालयका सुचना अधिकारी गोविन्द कोइरालाले जानकारी दिनुभयो ।
विद्यालय व्यवस्थापन समितिका अध्यक्ष तथा धादिङ क्षेत्र नम्बर २ का नेपाली कांग्रेसका क्षेत्रीय सभापति राकेश धमलाको सभापतित्वमा भएको कार्यक्रममा वडा नं १२ का अध्यक्ष धर्मराज भण्डारीको प्रमुख आतिथ्य तथा शिवहरि सापकोटा विषेश आतिथ्यता रहेको थियो ।

कार्यक्रममा नेदरल्याण्डबाट आएका दुई विदेशी पाहुना लिसाटा र हिक्काको पनि सहभागिता रहेको थियो। विदेशी पाहुनालाई विद्यालय व्यवस्थापन समितिका अध्यक्ष धमलाले मालाद्वारा स्वागत गर्नुभएको थियो।

कार्यक्रमका विद्यालयका प्रधानाध्यापक रामप्रसाद लामिछानेले सापकोटाले विगतदेखि विद्यालयलाई निरन्तर सहयोग पु¥याउँदै आएको स्मरण गर्दै धन्यवाद व्यक्त गर्नुभयो।

त्यसैगरी वडा अध्यक्ष भण्डारीले यस्ता दाताहरूको सहयोगले विद्यालयको शैक्षिक गुणस्तर अभिवृद्धिमा टेवा पुगेको उल्लेख गर्नुभयो।

विद्यालयका तर्फबाट स्वागत मन्तव्य युवराज रिजालले राख्नुभएको थियो भने कार्यक्रम सञ्चालन सूचना अधिकारी गोविन्द कोइरालाले गर्नुभएको थियो । कार्यक्रममा शिक्षक, विद्यार्थी तथा अभिभावकहरूको उल्लेखनीय उपस्थिति रहेको थियो ।



निलकन्ठ एफ.एम. (Neelkantha F.M.)
निलकन्ठ नगरपालिका-३, धादिङ्ग
010521430, 9851120850
प्रेस काउन्सिल दर्ता न: ......
सूचना विभाग दर्ता नम्बर: .....
| अध्यक्ष : | बद्रि अधिकारी |
| प्रधानसम्पादक : | ..... | कार्यक्रारी सम्पादक : |
| ब्यबस्थापक : | .... |
| कानूनी सल्लाहकार : | ..... |
| बजार ब्यबस्थापक : | ..... |