नेपाली काँग्रेसको चुनावी अभियान तिव्रः हेमराज श्रेष्ठको नेतृत्वमा १५१ सदस्यीय निर्वाचन परिचालन समिति गठन

धादिङ,१७ माघ
नेपाली काँग्रेसका उम्मेद्वार रमेश धमलालाई जिताउन नीलकण्ठ नगरपालिका वडा नम्बर ८ को चुनावी कमान्डर हेमराज श्रेष्ठलाई तोकिएको छ । शुक्रबार वडामा भएको भेलाले हेमराज श्रेष्ठको नेतृत्वमा १५१ सदस्यीय निर्वाचन परिचालन समिति गठन भएको छ । धादिङ निर्वाचन क्षेत्र नम्बर २ का नेपाली काँग्रेसबाट उम्मेद्वार बन्नुभएको केन्द्रिय सदस्य,पुर्व सभापति तथा टानका पुर्व अध्यक्ष धमलालाई जिताउन अहिले प्रत्येक वडामा निर्वाचन परिचालन समिति बनाईएको छ ।

शुक्रबार वडा पार्टी सभापति हेमराज श्रेष्ठको अध्यक्षमा सम्पन्न भएको भेलामा नेपाली काँग्रेसका नेता भीम प्रसाद ढुंगानाको प्रमुख आतिथ्यता रहेको थियो । भेलामा प्रतिनिधिसभा २ क्षेत्रीय सभापति राकेश धमला,महासमिति सदस्य सरोज अधिकारी ,नेपाली काग्रेसका नेता दिपक कोइराला लगायतको आतिथ्यता रहेको थियो ।

‘बदल्यौं कांग्रेस, बदल्छौं देश’ भन्दै नयाँ नेतृत्वसहित चुनावमा काँग्रेस आफ्नो स्पष्ट एजेन्डा सहित जनताको घरघरमा गईरहेको नेपाली काँग्रेसले जनाएको छ । जिल्लाको सभापति भएर संगठन चलाएको अनुभव हुनु र पर्यटन क्षेत्रमार्फत् भूगोल, राजधानीदेखि प्रवाससम्म सम्बन्ध स्थापित गर्न सफल भएका धमला अहिले जनताको घरदैलो चुनावी अभियानमा रहेका छन् ।