मुक्तिनाथ विकास बैंकको बार्षिक उत्सवको अवसरमा धादिङबेशीमा रक्तदान

धादिङबेशी १९, पौष । धादिङबेशीमा मुक्तिनाथ विकास बैंकको आयोजनामा रक्तदान कार्यक्रम सम्पन्न भएको छ । शनिबार धादिङबेशीस्थित क्षेत्रीय कार्यालय परिसरमा सम्पन्न कार्यक्रममा ४८ जना पुरुष र ११ जना महिला गरी जम्मा ५९ जनाले रक्तदान गरेका छन् ।

मुक्तिनाथ विकास बैंकको २० औँ वार्षिक उत्सवको अवसरमा सामाजिक उत्तरदायित्व अन्तर्गत रक्तदान कार्यक्रम आयोजना गरिएको बैंकका क्षेत्रीय प्रमुख धुव्र प्रसाद रेग्मीले जानकारी दिनुभयो । उहाँका अनुसार समुदायप्रति उत्तरदायी हुँदै स्वास्थ्यजस्तो संवेदनशील क्षेत्रमा योगदान पु¥याउने उद्देश्यले कार्यक्रम सञ्चालन गरिएको हो ।

कार्यक्रममा नेपाल रेडक्रस सोसाइटी धादिङ शाखाले प्राविधिक सहयोग गरेको थियो । रक्तदानमा बैंकका कर्मचारी, सेवाग्राही तथा स्थानीय नागरिकहरूको सहभागिता रहेको थियो ।
क्षेत्रीय प्रमुख रेग्मीले आगामी दिनहरूमा पनि यस किसिमका सामाजिक उत्तरदायित्व अन्तर्गतका कार्यक्रमहरू नियमित रूपमा सञ्चालन गर्ने बैंकको धारणा रहेको बताउनुभयो ।