धादिङको गाईजात्रा ‘दलका नेता सबै धादिङबेसीमा’
धादिङको जहरेमा पहिरो, दुईतर्फी सडक अवरुद्ध
गजुरी गाउँपालिकामा कक्षा १२ को नतिजा : आदर्श माविको उत्कृष्ट प्रदर्शन
माओवादी केन्द्र धादिङको संघिय क्षेत्र न २ को संयोजकमा आशिष र नीलकण्ठ नगरको ईन्चार्जमा शम्भु श्रेष्ठ चयन
सिद्धलेकमा भएको वडा स्तरिय तीज गीत प्रतियोगितामा फुलबारी आमा समुह प्रथम
धादिङबेसीमा डिजिटल बैंकिङ तथा वित्तीय साक्षरता तालिम सम्पन्न
धादिङ, ८ असार । मातृ तथा नवजात शिशु स्वास्थ्य (MNH) कार्यक्रमको प्रभावकारिता अभिवृद्धि गर्न जनस्वास्थ्य कार्यालय धादिङको आयोजनामा दुईदिने समिक्षा तथा अभिमुखीकरण कार्यक्रम सम्पन्न गरिएको छ। कार्यक्रम २०८२ असार ६ र ७ गते सम्पन्न भएको हो।
कार्यक्रममा धादिङ जिल्लाका १३ स्थानीय तहका २७ जना स्वास्थ्यकर्मी र धादिङ अस्पतालका ६ जना गरी कुल ३३ जनाको सक्रिय सहभागिता रहेको थियो। अभिमुखीकरण सत्रमा प्रसूति सेवा प्रदायकलाई पारम्परिक Partograph को सट्टामा आधुनिक Labor Care Guide, Revised EOC Job Aid, PPH Bundle Approach, KMC (Kangaroo Mother Care) लगायतका MNH कार्यक्रमअन्तर्गतका नयाँ विधि र उपकरणहरूको प्रयोगबारे विस्तृत जानकारी दिइएको थियो।
कार्यक्रमको सहजीकरण परोपकार स्त्री रोग अस्पतालकी नर्सिङ अधिकृत ललिता श्रेष्ठले गर्नुभएको थियो। यो कार्यक्रमले धादिङ जिल्लामा मातृ तथा नवजात शिशुको मृत्यु न्यूनीकरण गर्ने लक्ष्यमा टेवा पुर्याउने विश्वास गरिएको छ।
