निलकण्ठ नगरपालिकाद्वारा आयोजित युवा सीप तथा रोजगार मेला सम्पन्न

धादिङबेशी १,असार । नीलकण्ठ नगरपालिकाले ‘दोस्रो युवा सीप, तालिम तथा रोजगार मेला २०८२’ सम्पन्न गरेको छ । युवाहरूको सीप अभिवृद्धि, रोजगारी सिर्जना अनि स्वरोजगारीको व्यवस्था गर्ने उद्देश्य सहित शनिबार नीलकण्ठ वालमन्दिर माध्यमिक विद्यालयमा मेला गरिएको थियो ।

उद्घाटन समारोहमा नगर प्रमुख भीमप्रसाद ढुंगानाले नीलकण्ठलाई उद्यमशीलताको केन्द्र बनाउनुपर्ने कुरा औंल्याउनुभयो । “स्वदेशमै रोजगारी सिर्जना गर्न यो मेला महत्वपूर्ण छ । हमी विदेश नभई यहाँ नै सम्भावना सिर्जना गर्न चाहन्छौँ”, मेयर ढुंगानाको भनाइ थियो ।

उप–प्रमुख दिपक विश्वकर्माले नगरपालिकाले गत वर्ष ६७५ जनालाई तालिम दिएको जानकारी गराउनुभयो । उहाँको अनुसार, मेला बेरोजगारी घटाउन, श्रमिकको कौशल अभिवृद्धि गर्न अनि श्रमिक र रोजगारदाताबीच सम्बन्ध स्थापना गर्न महत्वपूर्ण छ ।

मेलामा २५ स्टल राखिएका थिए, जहाँ स्थानीय उत्पादन, हस्तकला, ढाका कपडा, बिभिन्न किसिमका अचार, औषधी जन्य वस्तु आदि प्रदर्शन गरिएको थियो । साथै प्रेरक भाषण, अन्तरक्रियात्मक कार्यक्रम, परामर्श सत्र, रक्तदान कार्यक्रमसमेत आयोजना गरिएको थियो ।

मेलामा युवाहरूको कौशल, रूचि अनि आवश्यकता सम्बन्धी जानकारी पनि संकलन गरिएको थियो, जुन भविष्यको योजना तर्जुमामा महत्वपूर्ण हुने जनाइएको छ ।