नेत्रावती डबजोङबाट SEE मा ९२.३६ प्रतिशत विद्यार्थी उतीर्ण
किबो स्काउट ट्रुपद्राद्धारा स्काउट स्थापना दिवसको अवसरमा सन्देशमुलक नृत्य तथा नाटक प्रस्तुत
धादिङको बेल्खुमा दुई मोटरसाइकल ठोक्किँदा तीनजना घाइते, एकजनाको अवस्था गम्भीर
सिद्धलेकले ल्यायो ६० करोडको बजेट,सडक, शिक्षा, कृषि र स्वास्थ्यमा जोड
मिन्दुका माविमा संघ, प्रदेश र स्थानीय तहको झल्को दिने नमुना निर्वाचन सम्पन्न
धादिङमा नवप्रवेशी शिक्षकका लागि तीनदिने तालिम सुरु, शिक्षण दक्षता अभिवृद्धिमा जोड
धादिङ, जेठ ०५ गते ।
बेनिघाट रोराङ गाउँपालिकामा पोषण प्रवर्धन कार्यक्रम सम्पन्न भएको छ । वडा नं. ७ स्थित पोषण सुधार केन्द्रमा पोषण सप्ताहको अवसरमा पोषण प्रवर्धन कार्यक्रम गरिएको हो ।
बालबालिकाको पोषण स्तर अभिवृद्धि गर्नुका साथै समुदायमा पोषण सम्बन्धी सचेतना जगाउने उद्धेश्यले “बृद्धि अनुगमन प्रोत्साहन कार्यक्रम“ संचालन गरिएको हो ।
जनस्वास्थ्य कार्यालय धादिङले निर्धारण गरेको १६ वटा पोषण मापदण्डहरू पूरा गरेका ५ जना बालबालिकालाई पोषण तथा सरसफाइ सामग्री प्रदान गरिएको स्वास्थ्य शाखा प्रमुख रमेश राज अर्यालले बताउनुभयो । सामग्री प्राप्त गर्ने बालबालिकाहरु प्ररिक चेपाङ, अप्सना चेपाङ, दिप्सन चेपाङ, उसिका श्रेष्ठ र अनिस चेपाङ रहेका छन् ।
बालबालिकालाई पोषण सामाग्रीको रूपमा १ माना घ्यू, १ क्रेट अण्डा रहेका छन् भने सरसफाइ सामाग्रीमा ब्रस १ थान, मञ्जन १ थान, साबुन २ थान, काइयो १ थान, नेलकटर १ थान र तौलिया १ थान वितरण गरिएको छ ।
जनस्वास्थ्य कार्यालय धादिङको आयोजनामा तथा बेनिघाट रोराङ गाउँपालिकाको स्वास्थ्य शाखाको समन्वयमा कार्यक्रम भएको हो ।
कार्यक्रममा गाउँपालिकाका स्वास्थ्य शाखा प्रमुख रमेश राज अर्याल, जनस्वास्थ्य कार्यलय धादिङका जनस्वास्थ्य निरिक्षक तोयानाथ छत्कुली, पोषण सुधार केन्द्र प्रमुख टिका कुमारी घिमिरे लगायतको उपस्थिति रहेको थियो ।
