अन्तराष्ट्रिय श्रमिक दिवसको अवसरमा नीलकण्ठ नगरपालिकाद्धारा प्रशिक्षण तथा अन्तरक्रिया 

धादिङबेशी । नीलकण्ठ नगरपालिकाद्धारा अन्तराष्ट्रिय श्रमिक दिवसको अवसरमा प्रशिक्षण तथा अन्तरक्रिया कार्यक्रम सम्पन्न भएको छ ।  बिहिबार धादिङबेशी स्थित सिटीहलमा एक अन्तरक्रिया सहितको प्रशिक्षण कार्यक्रमको आयोजना गरि श्रमिक दिवस मनाएको हो ।

रोजगारीको सिर्जना, रोजगारीको ब्यवस्थापन,सीप तथा क्षमताको बिकास, र सामाजिक संरक्षण भन्ने नाराका साथ श्रमको सम्मान राष्ट्रको अभियान सम्बन्धी प्रशिक्षण तथा अन्तरक्रिया कार्यक्रम सम्पन्न भएको हो ।

अन्तरक्रिया तथा प्रशिक्षण कार्यक्रममा श्रमिकहरूको सम्मानका लागु भएको कानुनी प्रावधानहरूको बारेमा जानकारी, वर्तमान अवस्थामा  श्रमिक प्रतिको धारणा, विद्यमान समस्या र समधानका उपायहरू,श्रमिकहरूको मनोवल उच्च राख्न मनोपरामर्श शेशन, नीलकण्ठ नगरपालिकाबाट लगु उद्यम, रोजगार प्रवर्दन तथा युवा संग सम्वन्धित कार्यक्रमको प्रस्तुतिकरण, प्रधानमन्ती रोजगार कार्यक्रमको परिचय, रोजगार सेवा केन्द्रबाट प्रवाह हुने सेवाहरूको बारेमा, वेरोजगार व्यक्ति सुचिकृत प्रकृया लगाएतको बिषयमा सहजीकरण गरिएको नीलकण्ठ नगरपालिकाका रोजगार संयोजक अर्जून कुमार श्रेष्ठले जानकारी दिनु भयो ।

अन्तरक्रिया कार्यक्रममा कार्यक्रममा नेपाल नगरपालिका संघको अध्यक्ष तथा नीलकण्ठ नगरपालिकाका मेयर भीम प्रसाद ढुङ्गाना, जिल्ला समन्वय अधिकारी रामशय यादव, नीलकण्ठ नगरपालिकाका प्रमुख प्रशाशकीय अधिकृत पुरुषोत्तम सुवेदी,डिभिजनल बन अधिकृत बिष्णु प्रसाद आचार्य,नेपाल नगरपालिका संघका सल्लाकार सरोज अधिकारी लगाएतको सहभागीता रहेको थियो ।