नीलकण्ठ ८ मा जारी तीन महिने प्लम्बिङ तालिम सम्पन्न सकियो

धादिङ,१९ चैत
धादिङको नीलकण्ठ नगरपालिका वडा नम्बर ८ मा तीन महिने प्लम्बिङ तालिम सम्पन्न भएको छ । बागमती प्रदेश समाजिक विकास मन्त्रालय सामाजिक विकास कार्यालय गजुरीको आयोजना र वडा नम्बर ८ का समन्वयमा जारी तालिम एक कार्यक्रमका बिच सम्पन्न भएको हो ।
।उद्यमशिलता,रोजगारी र आयआर्जनको दायरालाई फराकिलो बनाई जीवनस्तर समृद्ध पारौ भन्ने उदेश्यको साथ तालिम सन्चालन गरीएको नीलकण्ठ नगरपालिकाका प्रवक्ता तथा नीलकण्ठ नगरपालिका वडा नम्बर ८ का वडा अध्यक्ष प्रकाश कुमार श्रेष्ठले जानकारी दिनुभयो ।

बागमती प्रदेश समाजिक विकास मन्त्रालय सामाजिक विकास कार्यालय गजुरीको तालिम संयोजक नवराज श्रेष्ठको अध्यक्षतामा सम्पन्न भएको कार्यक्रममा नगर प्रवक्ता तथा वडा नम्बर ८ का वडा अध्यक्ष प्रकाश कुमार श्रेष्ठलेको प्रमुख आतिथ्यता रहेको थियो । कार्यक्रममा आदिवासी जनजाती महासंघका केन्द्रिय सदस्य ठाकुर कुमाल, रामकोट बृहत जलउपभोक्ता संस्थाका अध्यक्ष कृष्ण प्रसाद कोईराला र अनन्त आशा नेपालका फिल्ड सुपरभाईजर यस कुमार प्रजा लगायतको आतिथ्यता रहेको थियो । अनन्त आशा नेपालको आरोहण शिक्षालयमा सन्चालन भएकोे तालिममा १५ जनाको सहभागिता रहेको थियो । तालिमको सहजिकरण किसन नेपालीले गर्नुभएको थियो ।