चैत १९ गते(भोली) नीलकण्ठ ७ हिटीमा एकिकृत घुम्ती शिविर हुदै

धादिङ,चैत १८
नीलकण्ठ नगरपालिका वडा नं ७ हिटी स्थित वार्ड कार्यालय परिसरमा एकिकृत घुम्ती शिविर संचालन हुने भएको छ। नगरपालिकाको आयोजनामा मंगलबार एकिकृत घुम्ती शिविर हुने भएको ।नगरपालिकाको सेवासँगै विभिन्न स्वास्थ्य तथा प्रशासनिक सेवाहरू समेत प्रदान गरिने उक्त शिविरमा स्थानीयवासीलाई सेवा लिन नगरपालिकाले अनुरोध गरेको छ।

शिविरमार्फत स्वास्थ्य सेवा अन्तर्गत चिकित्सक परामर्श, स्वास्थ्य परीक्षण, औषधि वितरण, २० वर्षमाथिका महिलाहरूका लागि भिआईए परीक्षण, रक्तचाप तथा मधुमेह परीक्षण, आयुर्वेद सेवा, आँखा परीक्षण, खकार संकलन, परिक्षण तथा परामर्श प्रदान गरिनेछ।
साथै, पशु सेवाहरू अन्तर्गत गाईवस्तुको गोवर परिक्षण, परजीवी औषधि वितरण, कुकुरको एन्टिरेबिज भ्याक्सिनेसन, पशु चिकित्सकबाट पशुपन्छीको उपचार तथा परामर्श, पशु बन्ध्याकरण सेवा उपलब्ध गराइनेछ।

त्यसैगरी, जेष्ठ नागरीक तथा अपाङ्गता परिचयपत्र वितरण, कृषक परामर्श सेवा, सामाजिक सुरक्षा तथा पन्जीकरण लगायतका सेवा प्रदान गरिनेछन्। साथै, रोजगार तथा कानूनी परामर्श सेवा पनि उपलब्ध हुने नगरपालिकाले जनाएको छ।
शिविर बिहान १०ः०० बजे बाट सुरु हुने छ।नगरपालिकाले स्थानीयवासीलाई यो अवसरको अधिकतम लाभ लिन अनुरोध गरेको छ।