राजावादीहरूको अराजकता:जडिबुटी कारखानामा राजावादीले लगाए आगो, आधा दर्जन सवारी साधन जले

काठमाण्डौं,१५ चैत
कोटेश्वरस्थित जडिबुटी कारखानामा राजावादीले आगो लगाएका छन्। तीनकुनेमा हिंसात्मक प्रदर्शनपछि तितरवितर भएका प्रदर्शनकारीले पेप्सीकोलातर्फ जाने चोकमा रहेको जडिबुटी कारखानामा आगो लगाएका हुन्। राजावादीले जडिबुटी कम्पनी लिमिटेड परिसरमा आगो लगाउँदा ग्यारेजमा रहेका आधा दर्जन सवारी साधन जलेर नष्ट भएका छन्।

आगो अझै नियन्त्रणमा आएको छैन।मेडिकल व्यवसायी दुर्गा प्रसाईंको आह्वानमा शुक्रबार राजावादीहरूले प्रदर्शन र सभाको आयोजना गरेका थिए।उत्तेजित राजावादीहरूले सञ्चार गृह र निजी घरमा समेत निशाना बनाएका थिए। तीनकुनेको निजी घरमा तोडफोड र आजजनी गरेका राजावादीले कान्तिपुर टेलिभिजन र अन्नपूर्ण पोष्टमा समेत तोडफोड र आगजनी गरेका थिए।