डा अर्यालको पहलमा धादिङ अस्पताललाई ल्याप्रोस्कोपी टावर मेसिन उपलब्ध

धादिङ जिल्ला सिद्दलेक गाउँपालिका आरुबास टोल साविक सलाङ गाउँ विकास समितिमा जन्मिएका डा कमलराज अर्यालको विशेष पहलमा धादिङ अस्पतालमा ल्याप्रोस्कोपी टावर मेसिन प्राप्त भएको छ । करिब ८० लाख रुपैयाँ मूल्य पर्ने यो टावरको प्रयोग गरी शल्यक्रिया गर्दा बिरामीहरूको उपचार प्रक्रिया छोटो हुन गई छिटो आफ्नो काममा फर्किन सहज हुने कुरा धादिङ अस्पतालका निमित्त अस्पताल निर्देशक डा गगन अधिकारीले जानकारी दिनुभयो ।

परम्परागत शल्यक्रिया पद्धतिमा पेटमा ठूलो चिरा लगाएर शल्यक्रिया गर्दा निको हुन धेरै समय लाग्ने हुन्छ । तर, साना चिरा लगाएर की–होल सर्जरी गर्न सकिने हो भने बिरामी छिटो निको भई काममा फर्किन सक्छन् । त्यसको लागि यो ल्यापोरोस्कोपिक टावरको प्रयोग गरी शल्यक्रिया गर्नुपर्ने हुन्छ । यो महत्वपूर्ण मेसिन प्राप्त भएसँगै अब एक महिनाभित्र ल्यापारोस्कोपिक टावरको प्रयोग गरी धादिङ अस्पतालमा शल्यक्रिया शुरु हुने कुरा डाअधिकारीले बताउनुभयो ।

हाल जेम्स पागेट विश्वविद्यालय अस्पतालमा कन्सल्टेन्ट सर्जनको रूपमा कार्यरत तथा पूर्वी इङ्गल्याण्ड विश्वविद्यालयको एसोसिएट प्रोफेसर र नेपालिज डक्टर्स एसोसिएसन युकेका पूर्व अध्यक्ष समेत रहेकाडा। अर्यालले आफ्नो गृहजिल्लालाई सानै भएपनि यो सहयोग गर्न पाउँदा खुसी महसूस भएको प्रतिक्रिया दिनुभएको छ।

कोभिड माहामारीको समयमा पनि धादिङ अस्पताललाई दुईवटा अक्सिजन कन्सन्ट्रेटर सहयोग गरेका डा। अर्यालले यो महत्वपूर्ण टावर धादिङ अस्पताललाई उपलब्ध गराउन डा। जेरेमी वार्ड र हेल्थ एक्सचेन्ज नेपाल यूके संस्थाले सहजीकरण तथा व्यवस्थापन गरेको बताउनुभयो ।

ल्यापारोस्कोपिक टावरको प्रयोग विभिन्न प्रकारका आधुनिक सर्जरीहरूमा गरिन्छ । यसको मुख्य उपयोगहरू निम्न छन्(

साना चिराहरूबाट सर्जरी की(होल सर्जरी परम्परागत रूपमा ठूलो चिरा लगाएर गरिने सर्जरीलाई यसले साना चिराहरूबाट गर्न सहयोग गर्छ ।

सटीक सर्जरी यसले उच्च रिजोल्युसन भएको क्यामेराको मद्दतले सर्जरीको क्षेत्रलाई ठूलो रूपमा देखाउँछ, जसले सटीकता र प्रभावकारिता बढाउँछ ।

निको हुने समय छोटो साना चिराहरूका कारण बिरामी छिटो निको हुन्छन्, कम पीडा हुन्छ, र अस्पतालमा बसाइको समय पनि छोटो हुन्छ ।

जाँच र उपचार पेट, पाठेघर, पित्तथैली, आपेंडिक्स, आन्द्रा, र अन्य अंगहरूको जाँच र उपचार गर्न यसलाई प्रयोग गरिन्छ ।

ग्रामीण क्षेत्रका बिरामीका लागि सहजर ग्रामीण क्षेत्रमा काम गर्ने बिरामीहरूलाई छिटो सर्जरी र निको हुने सुविधा उपलब्ध गराउँछ, जसले उनीहरूलाई आफ्नो काममा छिटो फर्कन मद्दत गर्दछ ।

कम रगत बग्ने सर्जरी यसले सर्जरी गर्दा कम रगत बग्ने बनाउँछ, जसले बिरामीको स्वास्थ्य सुधार गर्न सहयोग गर्छ ।

यसरी, ल्यापारोस्कोपिक टावरको प्रयोगले ग्रामीण र दुर्गम क्षेत्रका अस्पतालहरूमा पनि गुणस्तरीय सर्जरी सेवा उपलब्ध गराउन र विरामीहरुलाई छिटो निको भइ आफ्नो काममा फर्कन महत्त्वपूर्ण भूमिका खेल्दछ ।