शान्ति सुरक्षा, सु–व्यवस्था तथा अमनचयनको क्षेत्रमा प्रहरीको भूमिका प्रशंसायोग्य छ: समन्वय प्रमुख अधिकारी

धादिङबेशी ।  जिल्ला समन्वय समितिका धादिङका प्रमुख नवराज अधिकारीले शान्ति सुरक्षा, सु-व्यवस्था तथा अमनचयनको क्षेत्रमा प्रहरीले खेलेको भूमिका प्रशंसायोग्य रहेको बताउनु भएको छ ।

नेपाल प्रहरीको ६९औं प्रहरी दिवसको अवसरमा धादिङमा आयोजित बिशेष कार्यक्रमलाई सम्बोधन गर्दै कार्यक्रमका प्रमुख अतिथि समेत रहनुभएका अधिकारीले सो कुरा बताउनु भयो । उहाँले हाल नागरिकले खोजेको समयमा मुस्कानसहितको सेवा पाएको बताउनु भयो । उहाँले आगामी दिनमा झन प्रहरीबाट बर्दी विनाको प्रहरीलाई दिने सेवा थप चुस्तदुरुस्त हुनुपर्ने कुरामा जोड दिनु भयो ।

कार्यक्रममा कर्तव्य पालनको सिलसिलामा ज्यान उत्सर्ग गरेका अमर प्रहरी परिवारलाई दोसल्ला ओडाएर सम्मान गरिएको थियो । समारोहमा विभिन्न खेलकुदमा प्रथम र द्धितिय स्थान हासिल गर्ने प्रहरी कर्मचारीहरुलाई सम्मान–पत्र तथा पुरस्कार वितरण गरिएको छ । सोहि समारोहमा पत्रकार अर्जुन श्रेष्ठलाई समेत सम्मान गरिएको थियो ।

जिल्ला प्रहरी कार्यालय धादिङका निमित्त कार्यालय प्रमुख प्रहरी नायव उपरीक्षक डिल्ली नारायण पाण्डेको सभापतित्वमा सम्पन्न भएको कार्यक्रममा धादिङ स्थानिय तहका प्रमुख तथा प्रतिनिधि, जिल्ला स्थित संघ,संस्थाका प्रमुख तथा प्रतिनिधिहरुको उपस्थिति रहेको थियो ।

कार्यक्रमका केहि तस्विरहरु