कृषि तथा पशु उपजहरुको संकलन, प्रशोधन तथा बजारीकरण गर्छौ : अध्यक्ष प्रकाश श्रेष्ठ

धादिङ, १० असोज ।
नीलकण्ठ नगरपालिका वडा नं ८ ले किसानहरुले उत्पादन गरेका कृषि तथा पशु उपजहरुको संकलन, प्रशोधन तथा बजारीकरणकको व्यवस्थापन गर्ने अध्यक्ष प्रकाश कुमार श्रेष्ठले बताउनुभएको छ । बुधबार एक कार्यक्रमका बिच वडा स्तरिय कृषि उपज संकलन, प्रशोधन तथा बजारीकरण गर्नको लागि समिति समेत गठन गरिएको अध्यक्ष श्रेष्ठले बताउनुभयो ।

वडा अध्यक्ष श्रेष्ठका अनुसार कृषि ब्यवसायी बिष्णुहरि लम्सालको अध्यक्षतामा १३ सदस्यीय वडा स्तरिय समिति गठन गरिएको छ ।
गठित समितिले खाद्यन्न, तरकारी, पशु तथा फलफुल जन्य उत्पादनको स्वचालित मूल्य प्रणाली अनुसार मूल्य निर्धारण गरि सबै कृषि उपजको बिक्री वितरणको ब्यवस्थापन गर्ने अध्यक्ष श्रेष्ठको भनाइ छ ।

वडाले उत्पादनको आधारमा अनुदान, कृषि उपज ढुवानिको लागि आवश्यक कृषि एम्बुलेन्स, तथ्यांक र दैनिक कार्य सन्चालन व्यवस्थापनका लागि अन्लाईन सफ्टवेयर, कृषि संकलन केन्द्र र मुख्य संकलन केन्द्रको लागि आवस्यक सामग्रीहरु उपलब्ध गराउने अध्यक्ष प्रकाश कुमार श्रेष्ठले बताउनुभयो ।