चिल्ड्रेनपार्क आवासिय माविमा हाजिरी जवाफ प्रतियोगिता सम्पन्न

धादिङ,४ भदौ
धादिङबेसीमा रहेको चिल्ड्रेनपार्क आवासीय माध्यमिक विद्यालयमा आज(शुक्रबार) हाजिरी जवाफ प्रतियोगिता सम्पन्न भएको । अतिरिक्त क्रियाकलाप अन्तरगत आज गणित तथा विज्ञान विषय सम्बन्धी हाजिरी जवाफ प्रतियोगिता सम्पन्न भएको हो । जुनियर र सिनियर टिम बिच अन्तर सदनात्मक प्रतियोगिता सम्पन्न भएको हो । विद्यालयले विद्यार्थीहरुको आन्तरिक क्षमता प्रफुष्टन गर्ने उदेश्यले विभिन्न कार्यक्रम सन्चालन गर्दै आईरहेको छ ।

जुनियर समुहमा कक्षा ४ देखी ६ कक्षा सम्मका ८ वटा समुहहरुको सहभागिता रहेको थियो । जसमा ब्लु हाउस प्रथम,रेडि हाउस द्धितिय र तृतीय पनि रेड हाउस बन्न सफल भएको छ । यसैगरी सिनियर समुह अन्तरगत कक्ष ७ देखी १० सम्मका ८ वटा समुहको सहभागिता रहेको थियो । जसमा रेड हाउस प्रथम,गी्रन हाउस द्धितिय र ब्लु हाउस तृतीय हुन सफल भएको कार्यक्रम संयोजक ईन्द्रराज श्रेष्ठले जानकारी दिनुभयो । प्रतियोगितामा प्रथम,द्धितिय र तृतीय हुने समुहलाई मेडल र प्रमाणपत्रबाट पुरस्कृत गरीएको श्रेष्ठले जानकारी दिनुभयो ।