धादिङबेशीको खानेपानी मुहानमै धमिलो

धादिङबेशी । धादिङबेशीबासीले खाँदै आएको खानेपानीको मुहानमै पानी धमिलो आएको छ । बिगत ५ दिन देखि धारामा धमिलो पानी आउन थालेपछि बिहिबार बिहान नीलकण्ठ नगरपालिका वडा न ३ का वडा अध्यक्ष राजककुमार श्रेष्ठको नेतृत्वमा उक्त क्षेत्रको अनुगमन गर्दा मुहानबाटै धमिलो पानी आएको पाईएको हो ।

बिहिबार बिहान मुहान भन्दा ५०० मिटर माथि सम्म पुग्दापनि पहिरो समेत नगएको देखिएकोले पानी के कारणले धमिलो आएको हो पत्ता लगाउन गाह्रो भएको छ । उक्त क्षेत्रको खोलानालामा पानी सङ्ग्लो आएको तर मुहानमा अझै पनि पानी धमिलो नै आईरहेको अनुगमनमा संग्लन वडा अध्यक्ष राजुकमार श्रेष्ठले नीलकण्ठ एफ.एम.लाई बताउनु भयो ।

बजारबासीले खानेपानी पिउनमा समस्या भएको भन्दै ब्यापक गुनासो गरेपछि वडा अध्यक्ष श्रेष्ठले खानेपानीका कर्मचारी लिएका एकाबिहानै अनुगमनमा गएका थिए ।