तीन दिनदेखी अवरुद्ध उत्तरी धादिङतर्फ जोड्ने थोपलखोला कजवे पुल सन्चालनमा

धादिङबेशी । निरन्तर परिरहेको अबिरल बर्साको कारण पुलको छेउमा माटो बगाउँदा अबरुद्ध हुन पुगेको उत्तरी धादिङ जाने सडकमार्ग पुन सञ्चालनमा आएको छ । नीलकण्ठ नगरपालिकाको आह्वानमा आज उप मेयर दिपक बिश्वकर्माको नेतृत्वमा करिव ५० जनाको हाराहरीले श्रमदान गरि उक्त सडकलाई सुचारु गरिएको हो ।श्रमदानमा नगरपालिकाका सल्लाहकार दिपक कोईरालाको समेत उपस्थिति रहेको थियो ।

हाल कजवेको छेउमा प्राविधिक स्टेमेट अनुसार ग्याविन जाली भरिएको छ । नीलकण्ठ नगरपालिकाको प्राविधिक तथा आवश्यक सामाग्रीको सहयोगमा उक्त सडक सुचारु भएको हो ।

सदरमुकामलाई उत्तरी धादिङतर्फ जोड्ने पुलको थोपलखोला कजवे पुलको पशुपति मन्दिरतर्फको भाग बाढिले बगाएको थियो । श्रमदानमार्फत सडक सुचारु भएपछि उक्त क्षेत्रभएर आवात जावत गर्ने स्थानियहरु खुसी भएका छन् ।