गुडिरहेको माइक्रो बसमाथि रुख ढल्दा नौ जना घाइते

धादिङ, २१ साउन ।

पृथ्वी राजमार्गअन्तर्गत धादिङको गजुरी गाउँपालिका–५ जरेमा गुडिरहेको माइक्रोबस माथि रूख ढल्दा नौ जना यात्रु घाइते भएका छन् । धादिङबाट काठमाडौँतर्फ जाँदै गरेको बागमती १–००६ च ६२१२ नम्बरको माइक्रो बसमाथि जरे पुलनजिक रूख ढल्दा उक्त दुर्घटना भएको हो ।

घाइते यात्रुको गजुरीका विभिन्न स्वास्थ्य संस्थामा उपचार भइरहेको जिल्ला प्रहरी कार्यालय धादिङका प्रहरी नायव उपरीक्षक मकेन्द्रकुमार मिश्रले जानकारी दिनुभएको छ ।

प्रहरी नायव उपरीक्षक मिश्र घाइते सबै खतरामुक्त रहेका छन् । रूख ढल्दा अबरुद्ध बनेको पृथ्वी राजमार्ग अहिले दुईतर्र्फी रुपमा यातायात सेवा सञ्चालन भएको प्रहरीले जनाएको छ ।