ज्वालामुखी गाउँपालिकाको गाउँसभा सकियो, आ.व.२०८१।०८२ को बजेट तथा कार्यक्रम सर्वसहमत पारित

धादिङबेशी । धादिङको ज्वालामुखी गाउँपालिकाको आ.व. २०८१।०८२ को निति तथा कार्यक्रम र बजेटको प्रस्तुत तथा समापन समारोह सम्पन्न भएको छ । असार ९ गते पेश गरिएको निति तथा कार्यक्रम र बजेटको आज शनिबार समापन गरिएको हो ।

समापन समारोहलाई सम्बोधन गर्नुहुँदै ज्वालामुखी गाउँपालिकाका अध्यक्ष यामनाथ दनैले आफुहरु उत्कृष्ट निति तथा कार्यक्रम र उत्कृष्ट बजेट ल्याउन प्रयास गरिरहेको बताउनु भयो । उहाँले गाउँपालिका भित्रका मुख्य ४ वटा मुख्यसडकहरुको पिज गर्ने र गाउँपालिकाले निशुल्क प्राप्त गरेको स्थानमा प्रशासनिक भवन बनाउने जस्ता कार्यहरुको आगामी आवमा सुरु गरिने बताउनु भयो । उहाँले स्थानिय सरकारले नागरिकको गुुनासो, समस्या समाधानको निमित्त आफुहरुले हरप्रयत्न प्रयास गरिरहेको बताउनु भयो ।

ज्वालामुखी गाउँपालिकाको १३ औ गाउँसभाको समापन समारोहको अवसरमा बिभिन्न बिधामा उत्कृष्ट ब्यक्तितवहरुलाई पुरस्कृत समेत गरेको थियो । गाउँसभाले पालिकालाई आवश्यक बिभिन्न कानुन समेत सर्व सहमत पास गरेको छ ।