रुविभ्याली गाँउपालिकाको डिजिटल प्रोफाईल सार्वजनिक

धादिङबेशी । धादिङको रुविभ्याली गाउँपालिकाले आफ्नो पालिकाको डिजिटल प्रोफाईल सार्वजनिक गरेको छ । शुक्रबार गाउँपालिकाले एक कार्यक्रमको आयोजना गर्दै रुविभ्याली गाउँपालिकाको डिजिटल प्रोफाईलको सार्वजनिक गरेको हो ।

जिल्ला समन्वय समिति प्रमुख नवराज अधिकारीको प्रमुख आतिथ्यतामा सम्पन्न गरेको कार्यक्रममा गाउँपालिका अध्यक्ष रामसिङ तामाङ उपाध्यक्ष फेलामा तामाङ र प्रमख प्रशासकिय अधिकृत राजाराम खतिवडा लगाएतको आतिथ्यता रहेकोे थियो ।

कार्यक्रमलाई सम्बोधन गर्नुहुदै जिल्ला समनवय समितिका प्रमुख तथा कार्यक्रमका प्रमुख अतिथि नवराज अधिकारीले रुवीभ्याली गाउँपालिकालाई संसारको जुनसुकै स्थानमा रहेर हेर्न सक्ने, बुझ्न सक्ने गरेर उक्त डिजिटल प्रोफाईल निर्माण गरेकोमा गाउँपालिकालाई धन्यावाद प्रकट गर्नुभयो । उहाँले उक्त प्रोफाईलमा सम्पुर्ण जनतालाई आवश्यक पर्ने तथ्याङ्कहरु रहेको र यादि केहि छुटपुट तथ्याङ्कहरु पछि समावेश गराईन्छ भन्ने कुरामा आफु विश्वस्त रहेको बताउनु भयो ।

त्यस्तै गाउँपालिका अध्यक्ष तामाङले प्रोफाईल तयार गर्दा कतिपय कुराहरु थप्नुपर्ने र कतिपय कुराहरु सुधार गर्नुपर्ने रहेको बताउनुभयो । उहाँले प्रोफाईल निर्माण संगसंगै रुवीभ्याली गाँउपालिकालाई समय सापेक्ष रुपमा डिजिटल तर्फ लैजाने प्रयास गरिरहेको बताउनु भयो ।
कुनै पनि कार्य र हरेक योजना गाउँपालिकाको अध्यक्षको पहलमा मात्र नभई सम्पुर्ण गाउँपालिकाका सचेत नागरिक जनसमुदाय लगायत राष्ट्रसेवक कर्मचारीको साथ र सहयोगले मात्र सफल बनाउन सकिने उहाँले बताउनु भयो ।

अध्यक्ष तामाङले आगामी दिनमा पनि उक्त प्रोफाईलमा आवश्यक पर्ने हरेक तथ्याङकहरुलाई अपडेट गर्नका लागि सबैजना एकसाथ हातेमालो गर्दै अगाडी बढ्नुपर्नेमा जोड दिनुभयो ।

त्यसैगरी गाउँपालिकाका उपाध्यक्ष फेलामा तामाङले हरेक वस्तुको चित्र हेरेर चरित्र सजिलै पत्ता लगाउन सक्ने हँुदा समृद्ध रुवीभ्यालीको विकास र परिकल्पनाको आधार गाउँपालिकाको डिजिटल प्रोफाईलले मार्ग निर्देश गर्ने बताउनभयो ।