एमाले धादिङले जनवर्गिय संगठनहरुको जिल्ला तथा पालिका अधिवेशन गर्दै

धादिङबेशी । नेकपा एमाले जनवर्गिय संगठनहरुको जिल्ला स्तरीय बैठक धादिङबेसीमा सम्पन्न भएको छ । नेकपा एमाले जिल्ला अध्यक्ष भूमि त्रिपाठीको प्रमुख आतिथ्यमा सम्पन्न जिल्ला स्तरीय बैठकले सबै जनवर्गिय संगठनहरुलाई संगठन विस्तार गर्दै जिल्ला अधिवेशन गर्न निर्देशन दिइएको छ ।

नेकपा एमाले जिल्ला उपाध्यक्ष जनवर्गिय संगठन हेर्ने जनसंगठन इन्चार्ज अर्जुन श्रेष्ठको अध्यक्षतामा भएको बैठकले सबै जनवर्गिय संगठनहरुलाई जिल्ला र पालिका स्तरको अधिवेशन २०८१ असोज मसान्तसम्म गरिसक्न निर्देशन गरिएको छ । नेकपा एमालेको २३ जनवर्गिय संगठन मध्ये २१ जनवर्गिय संगठन गठन भइ धादिङमा क्रियाशिल रहेको छ ।

अधिवेशन भएकाहरुले संगठनलाई चुस्त पार्न निर्देशन दिँदै विकास र समृद्धिका कार्यक्रमा जनतालाई सघाउन आग्रह गरिएको छ । १३ जनसंगठनको सहभागिता रहेको बैठकमा नेकपा एमाले जिल्ला सचिव राधिका सापकोटा, जिल्ला सदस्यहरु प्रदेश कमिटिका सदस्यहरुको सहभागिता थियो ।