चिल्ड्रेनपार्क आवासिय माविमा पूर्व प्राथमिक तहको दीक्षान्त समारोह सम्पन्न

धादिङ,९ असार

धादिङबेसी स्थित चिल्ड्रेनपार्क आवासिय माध्यमिक विद्यालयमा पूर्व प्राथमिक तहको दीक्षान्त समारोह शनिवार सम्पन्न भएको छ । प्रिस्कूल (कक्षा यूकेजी) तह उतीर्ण सफल हुने ९० जना विद्यार्थीहरूको दीक्षान्त समारोह सम्पन्न भएको हो । दिक्षान्त समारोहको अवसरमा युकेजीमा सर्वोत्कृष्ट हुनु हुने ५ जना सहित ४ जिपिए ल्याउन सफल विद्यार्थीहरूलाई पुरस्कृत गरिएको थियो । कार्यक्रममा हाल कक्षा १ मा अध्ययनरत विद्यार्थीहरू र अभिभावकहरूको उपस्थिति रहेको थियो । कार्यक्रममा विद्यार्थीहरूका विविध प्रतिभाहरू समेत प्रदर्शन गरिएको थियो ।

विद्यालय सञ्चालन समितिका शान्त विक्रम बाँनियाको अध्यक्षता सम्पन्न भएको कार्यक्रममा धादिङका शैक्षिक व्यक्तित्व नवराज शर्माको प्रमुख आतिथ्यतामा रहेको थियो । कार्यक्रमबिच प्रि–स्कुल तह उतीर्ण ७९ जना विद्यार्थीहरू दीक्षित गराउदै दीक्षान्त प्रमाणपत्र वितरण र अभिभावकलाई समेत सम्मान गरिएको थियो । विद्यालयले प्रत्येक वर्ष पूर्व प्राथमिक तह पार गरेका विद्यार्थीहरूलाई लक्षित गरी भव्य रूपमा दीक्षान्त समारोह आयोजना गर्ने गरिएको विद्यालयका प्रिन्सिपल षष्टिकुमार श्रेष्ठले बताउनु भयो । कार्यक्रममा प्रविधिलाई सिकाइमा जोड्दै ज्ञान सीप सहितको ब्यवहारिक शिक्षा दिन विद्यालय लागि परिरहेको समेत प्रिन्सिपल श्रेष्ठले बताउनुभयो ।