यो सरकार २०८४ सम्म रहन्छ, मिसन ८४ पछि एमालेको सरकारः एमाले महासचिव शंकर पोखरेल

धादिङ,३ असार

यो कार्यकालभर यहि सरकार चल्ने र मिसन ८४ ले एमालेको सरकार बन्ने नेकपा एमाले महासचिव शंकर पोखरेलले बताउनुभएको छ ।
नेकपा एमालेको जिल्ला स्तरीय प्रशिक्षणको उद्घाटन गरि प्रशिक्षण दिन धादिङबेसी आउनुभएका महासचिव पोखरेलले मुलुकको संकटबाट जोगाउन वर्तमान समिकरण बनेको बताउनुभयो ।

प्रेस चौतारी धादिङले पत्रकार भेटघाट कार्यक्रमको अबसरमा निरासाबाट रोकेर मुलुकलाई सहिबाटोमा ल्याउन एमाले सरकारमा सहभागी भएको पोखरेलको भनाइ छ । जनताको मुद्दामा सरकारको ध्यान जानू पर्ने र जनताको लागि काम गरुनजेल सरकार नढल्ने महासचिव पोखरेलको धारणा छ ।एमाले महासचिव पोखरेलले यो समिकरण सरकारबाट काम गर्न सकिन्छ भनेर नभई बिग्रेको कार्य रोक्न समिकरण सरकार बनेको बताउनुभयो ।

सरकार २०८४ सम्म चल्ने बताउदै नागरिक उन्मुक्ति पार्टी र जनमत पार्टीलाई सरकारमा सहभागी गराउन लागिएको महासचिव पोखरेलको भनाई छ ।
ुनागरिक बलियो हुन राज्य बलियो हुनुपर्छ, राज्य बलियो हुनका लागि दल बलियो हुनुपर्छ।ु पोखरेलले बताउनुभयो ।नेकपा एमालेको जिल्ला स्तरिय प्रशिक्षण कार्यक्रमको उद्घाटन गर्दै महासचिव पोखरेलले राज्यशक्तीको श्रोत जनता भएकोले जनताको मतबाट २०८४ को निर्वाचन जित हासिल गर्ने बताउनुभयो ।

३ दिनसम्म जिल्ला कमिटी सदस्यहरुका लागि संचालन हुने प्रशिक्षणमा एमाले उपमहासचिव प्रदिप ज्ञावालीले समाजवाद र समृद्ध नेपाल निर्माणका आधारहरुका विषयमा प्रशिक्षण दिनुभयो । प्रशिक्षण कार्यक्रममा नेकपा एमाले केन्द्रीय सदस्य तथा धादिङ ईन्चार्ज धर्मदत्त देवकोटा, जिल्ला अध्यक्ष भुमि त्रिपाठी लगायतको सहभागिता छ ।