पत्रकार नारायण सिलवाल पुरस्कृत

धादिङ,१ असार
लामो समयदेखी धादिङमा क्रियाशिल पत्रकारिता गर्दै आउनु भएका नारायण सिलवाल पुरस्कृत हुनुभएको छ । शनिवार नीलकण्ठ नगरपालिकाको दोस्रो नगरसभाको पाँचौ अधिवेशनको अवसर पारेर पत्रकार सिलवाललाई नगद र प्रमाणपत्रद्वारा नगर प्रमुख भीम प्रसाद ढुंगानाले पुरस्कृत गर्नुभएको हो ।

नीलकण्ठ नगरपालिकाको विकास पत्रकारिता पुरस्कारबाट सिलवाल पुरस्कृत हुनुभएको छ । धादिङपोष्ट डटकमका प्रधानसम्पादक एव राष्ट्रिय फोटो पत्रकार समूह नेपाल बागमती प्रदेशका अध्यक्ष समेत रहनु भएका सिलवाललाई नगद २० हजार ८१ रुपैयाँ नगद सहित नगरपालिकाले पुरस्कृत गरेको हो ।