नीलकण्ठ ८ रामकोटमा एक दिने निःशुल्क स्वास्थ्य शिविर सम्पन्न

धादिङ,२७ जेठ
नीलकण्ठ नगरपालिका वडा नम्बर ८ मा १ दिने निःशुल्क स्वास्थ शिविर शनिवार सम्पन्न भएको छ ।धादिङ जिल्ला अस्पताल र सामुदायिक आँखा केन्द्र धादिङको प्राविधिक सहयोगमा शिविर सञ्चालन गरिएको हो । शिविरमा ३ सय १७ महिला र १ सय ६३जना पुरुष गरी जम्मा ४८० जनाको निशुल्क स्वास्थ परिक्षण गरिएको नीलकण्ठ नगरपालिका वडा नम्बर ८ का वडा अध्यक्ष प्रकाश कुमार श्रेष्ठले जानकारी दिनुभएको छ ।

शिविरमा दाँत, नाक, कान, घाँटी, मुटुको इ सि जि, स्त्रीरोग , आँखा लगाएत जनरल सेवाहरु प्रदान गरिएको थियो । उक्त शिविरको आयोजना नीलकण्ठ नगरपालिका वडा नम्बर ८ ले गरेको हो ।वडामा नै निशुल्क स्वास्थ चेकजाच गर्ने पाउँदा नागरीकहरु निकै खुसी भएका छन्।