सिद्धलेकमा कानुनी साक्षरता सम्बन्धी कार्यक्रम सुरु

धादिङ,१५ जेठ
धादिङको सिद्धलेक गाउँपालिकामा आजदेखी कानुनी साक्षरता कार्यक्रम सुरु भएको छ । कानुनको अज्ञानता क्षम्य हुँदैन भन्ने नाराका साथ सिद्धलेक गाउँपालिकाको ७ वटै वडाहरुमा सञ्चालन हुनेगरी वडा नं ५ बाट कार्यक्रम सुरू गरीएको हो ।यसैगरी कार्यक्रमलाई सम्बोधन गर्नुहुदै प्रमुख अतिथी गाउँपालिका अध्यक्ष परशुराम खतिवडाले स्थानिय सरकारले जनतालाई न्याय दिने काममा दत्तचित्त रहेर लागिरहेको बताउँदै कानुनी हिसाबले निश्पक्ष काम गरीरहेको बताउनुभयो । खतिवडाले तालिमबाट सिकेका कुराहरु आफ्नो टोलबस्तीमा न्यायको निमित्त प्रयोग हुनेछ भन्नेमा पनि विश्वास व्यक्त गर्नुभयो ।

यसैगरी कार्यक्रमलाई सम्बोधन गर्नुहुदै उपाध्यक्ष सबिता अर्यालले कानुनसम्बन्धी जानकारी दिने,कानुनी बुझाई र गैरकानुनी घटनाहरु न्यूनिकरण गर्ने र घटना घटिहालेमा कानुनी उपचारमा सहजता ल्याउने उदेश्यले कार्यक्रम सञ्चालन गरीएको बताउनुभयो ।सिद्धलेक गाउँपालिका न्यायिक समितीको संयोजक तथा उपाध्यक्ष सबिता अर्यालको अध्यक्षतामा सम्पन्न कार्यक्रममा सिद्धलेक गाउँपालिकाका अध्यक्ष परशुराम खतिवडाको प्रमुख आतिथ्यता रहेको थियो । गाउँपालिकाका न्यायिक सहजकर्ता रामचन्द्र अधिकारीले सञ्चालन गर्नुभएको कार्यक्रममा प्रमुख प्रशासकिय अधिकृत विनोद कुमार अधिकारी, प्रशासन, योजना तथा अनुगमन शाखा अधिकृत शिवराम अधिकारी लगायतको आतिथ्यता रहेको थियो ।