उज्यालो युवा समाज गल्छीको अध्यक्षमा हरिप्रसाद अधिकारी निर्वाचित

धादिङ,१४ जेठ
उज्यालो युवा समाज गल्छीको अध्यक्षमा हरि प्रसाद अधिकारी निर्वाीचत हुनुभएको छ । शनिवार समाजको गल्छि गाउँपालिका वडा नम्बर ८ खयरघारीमा सम्पन्न अधिवेशनले अधिकारीको अध्यक्षतामा नयाँ कार्य समिति चयन गरेको हो । सर्वाङ्गिण विकासका लागि समुदायको आवाज भन्ने उदेश्यले स्थापना गरीएको संस्थाले विभिन्न सामाजिक कार्य सन्चालन गर्दै आईरहेको छ ।

हरिप्रसाद अधिकारीको अध्यक्षतामा सम्पन्न भएको अधिवेशनमा गल्छि गाउपालिका अध्यक्ष केदारनाथ खतिवडाको प्रमुख आतिथ्यता रहेको थियो ।कार्यक्रममा गल्छि गाउँपालिका उपाध्यक्ष भाइकाजि तिवारी,वडा अध्यक्षहरु,वडा सदस्य लगायतको आतिथ्यता रहेको थियो । कार्यक्रमलाई सम्बोधन गर्दै अतिथीहरुले संस्थाको उत्तरोत्तर प्रगतिको कामना सहित आवश्यक सहयोग गर्ने प्रतिबद्धता जनाउनु भएको थियो ।

शनिवार सम्पन्न भएको अधिवेशनले हरिप्रसाद अधिकारीको अध्यक्षतामा ११ सदस्यीय नयां कार्यसमिति चयन गरेको छ । जसको उपाध्यक्षमा उपाध्यक्ष संझना अर्याल (लामिछाने)सचिवमा लक्ष्मी श्रेष्ठ,कोषाध्यक्षमा शंकर सुवेदी र सचिवमा सुनिता नेपाल निर्वाचित हुनुभएको छ । यस्तै सदस्यहरुमा मान बहादुर रोक्का,मुकुन्द सुबेदी,सौगात श्रेष्ठ,हरि वाग्ले,अनिता लामा र प्रदिप क्षेत्री निर्वाचित हुनुभएको छ ।

निर्वाचित भएपछि अधिकारीले संस्थाले आगामी दिनमा पनि विभिन्न सामाजिक कार्यहरु सन्चालन गर्ने प्रतिबद्धता व्यक्त गर्नुभयो ।संस्थालाई यहाँ सम्म ल्याउनको लागि सहयोग गर्ने सम्पुर्णलाई धन्यवाद दिदै आगामी दिनमा पनि सल्लाह,सुझाव र सहयोग गर्नको लागि आग्रह गर्नुभयो ।