आँखुखोला जलविद्युतको ड्याम भोलि (बैशाख २९ गते) शनिबार खोलिने

धादिङ, २८ बैशाख ।
धादिङको आँखुखोला–१ जलविद्युत आयोजना रिङ्गनेको ड्याम भोलि (बैशाख २९ गते) शनिबार खोलिने भएको छ ।

आँखु खोला जलविद्युत कम्पनी लि.बाट प्राप्त पत्रानुसार ड्याम साइटमा मर्मत कार्य भइ रहेको हुँदा उक्त मर्मतको लागि ड्याम खोलिने भएको हो ।

आयोजनाको ड्याम खोल्दा नदीमा पानीको बहाब बढ्ने हुँदा तल्लो तटिया क्षेत्रमा बसोबास गर्ने बासिन्दाहरुलाई आवश्यक सतर्कता अपनाउनुहुन जिल्ला प्रशासन कार्यालय धादिङले अनुरोध गरेको छ ।