नगरबासीको दुःख र सुखमा नगरपालिका सधै सँगै छः प्रमुख प्रशासकीय अधिकृत सुवेदी

धादिङ,२० बैशाख
नीलकण्ठ नगरपालिकाका नागरिकहरुको दुःख दुखमा नगरपालिका सँगै रहेको प्रमुख प्रशासकीय अधिकृत पुरुषोत्तम सुवेदीले बताउनु भएको छ । नगरबासीको दुखेको घाउमा मलम पट्टी लगाउने काममा नगरपालिकाले विभिन्न कार्यक्रम सन्चालन गरीरहेको भन्दै उहाँले दुख परेको बेलामा नगरपालिकालाई सम्झनको लागि पनि आग्रह गर्नुभयो । बैदेशिक रोजगारमा गएका घरपरिवारका बालबालिकाहरुलाई शैक्षिक सामाग्री वितरण समारोहलाई सम्बोधन गर्नुहुदै उहाँले बित्तीय साक्षरता तथा मनोसामाजि परामर्श कार्यक्रम आफैमा शुन्दर कार्यक्रम रहेको बताउनुभयो ।

बैदेशिक रोजगारको कारणले उत्पन्न भएको मनोसामाजिक समस्यालाई कम गर्नको लागि मनोपरामर्श कार्यक्रम प्रभावकारी भएको बताउनुभयो ।नगरबासीहरुको घरमै गएका समस्यामा परेका व्यक्तिहरुको कुरा सुन्ने,आत्मबल बढाउने,सहयोग गर्ने र दुखमा म छु भन्ने आभास दिलाउने काम मनोपरामर्श कार्यक्रमले गरेको बताउनुभयो। तनाव,चिन्ता,दिक्दारीपना,निन्द्रामा समस्या,रिस व्यवस्थापन जस्ता समस्यामा परेका नगबासीहरुलाई मनोपरामर्श कार्यक्रमलले नयाँ जीवन दिएको बताउनुभयो । बैदेशिक रोजगारको क्रममा मृत्यु भएका,पारिवारीक विखण्डनमा परेका,बेपत्ता भएका,भेनेको जस्तो काम र तलब नभएको जस्ता समस्यामा परेका अभिभावकहरुको बालबालिकालाई मनोपरामर्श कार्यक्रम अन्तरगत शैक्षिक सामाग्री वितरण गरीएको हो ।

यसैगरी कार्यक्रममा शिक्षा अधिृकत प्रकाशदत्त भट्टले मनोपरामर्श कार्यक्रमले धेरै राम्रो नतिजा ल्याएको भन्दै उहाँले आगामी दिनमा विद्यालयहरुमा मनोपरामर्श कार्यक्रम सन्चालन गर्ने बताउनुभयो । अभिभावक,विद्यार्थी र शिक्षकहरुको तनाव व्यवस्थापन गर्न सके सिकाई गुणस्तरी बृद्धि हुने समेत भट्टले बताउनुभयो ।यसैगरी सामी कार्यक्रम संयोजक दिनेश दुवाडीले नीलकण्ठ नगरपालिकाले सन्चालन गरीरहेको वित्तीय साक्षरता तथा मनोपरामर्श कार्यक्रमले राम्रो नतिजा ल्याएको भन्दै आगामी दिनमा पनि यसलाई निरन्तरता दिनुपर्ने बताउनुभयो । सामी कार्यक्रम अन्तरगत नागरिकहरुको घर सम्म पुग्ने कार्यक्रम भएको भन्दै उहाँले बैदेशिक रोजगारमा देखीएको समस्यामा काम गर्न आफुहरु तयार रहेको बताउनुभयो ।

प्रमुख प्रशासकीय अधिकृत पुरुषोत्तम सुवेदीको प्रमुख आतिथ्यतामा सम्पन्न भएको कार्यक्रममा शिक्षा अधिृकत प्रकाशदत्त भट्ट,नीलकण्ठ नगरपालिकाका महिला विकास निरिक्षक निर्मला केसी,सामी कार्यक्रम संयोजक दिनेश दुवाडी,सामाजिक परिचालन अधिकृत सम्झना भण्डारीको आतिथ्यता रहेको थियो । नीलकण्ठ नगरपालिका भित्रका १० जना बालबालिकाहरुलाई झोला,कपि,पेन्सिल,कलर,कलम,ज्यामिती बक्स लगायत सामाग्रीहरु वितरण गरीएको हो ।