ज्यामरुङको भारमालेमा बैशाख १९ गते स्वास्थ्य शिविर हुदैँ

धादिङ,१९ बैशाख
नीलकण्ठ नगरपालिकाको आयोजनामा भोली(बैशाख १९ गते) वडा नम्बर १० मा घुम्ती शिविर हुने भएको छ।नागरिकहरुलाई घरदैलोमा सेवा दिने उदेश्यले नगरपालिकाबाट प्रवाह हुने सेवा वडाबाटै दिन लागिएको प्रशासन शाखा प्रमुख लोकनाथ उपाध्यायले जानकारी दिनुभयो ।

नीलकण्ठ नगरपालिका वडा नम्बर १० को भारमालेमा हुने शविरमा स्वास्थ्य परिक्षण र औषधी वितरण,आर्युवेद सेवा,आँखाको परीक्षण तथा परामर्श,गोबर परीक्षण तथा परजीविको औषधी वितरण,कुकुरको एन्टिेरेविज भ्याक्सनेशन,पशु बन्ध्याकरण,पशुपन्छीको उपचार तथा परामर्श,जेष्ठ नागरिक तथा अपाङ्गता परिचयपत्र वितरण,कुषकहरुलाई परामर्श,सामाजिक सुरक्षा भत्ता वितरण,लाभग्राही तथा बैंक खाता विवरण अध्यावधिक र रोजगार तथा कानुनी परामर्श सेवा उपलब्ध गराईने नीलकण्ठ नगरपालिकाले जनाएको छ । शिविर बिहान १० बजेबाट सन्चालन हुनेछ ।