टुक्रे योजनाहरुभन्दा पनि ठूला योजनाहरुलाई बिषेश प्राथमिकता दिईनेः मुख्यमन्त्री जमकट्टेल

धादिङ,१५ बैशाख

बागमती प्रदेशका मुख्यमन्त्री शालिकराम जमकट्टेल मोटरेवल पुल सँगै थाक्रेको नवनिर्मित वडा कार्यालयको भवन उद्घाटन गर्नुभएको छ । शनिवार एक कार्यक्रमका बिच थाक्रे र गल्छी गाउँपालिका जोड्ने खयरघारी सिमपानी मोटरेवल पुल र थाक्रे ३ नम्बर नजिक बनेको ढोका भन्ञ्याङ पुल तथा तीन नम्बर वडा कार्यालय भवनको समुद्घाटन गरिएको गर्नुभएको हो । प्रमुख अतिथी समेत रहनुभएका मुख्यमन्त्री जमकट्टेलले प्रदेशले गर्ने बिकासमा बराबरी हुने र आगामी योजनाहरुले पनि थप बिकासमा टेवा पुग्ने बताउनुभयो ।

अहिले टुक्रे योजनाहरुभन्दा पनि ठूला योजनाहरुलाई बिषेश प्राथमिकता दिने उहाँको भनाई थियो ।शिक्षामा अहिले भईरहेको पाठ्यक्रम अधुरो रहेको भन्दै अब रोजगारमूलक शिक्षालाई जोड दिनुपर्ने उहाँको भनाई थियो । अहिले बिकासका नाममा हरेक क्षेत्रमा भ्रष्टचार मौलाएको भन्दै काम नगर्ने जोकोहि भएपनि खबर गर्न आग्रह गर्नुभयो । विशेष अतिथीका रुपमा रहनुभएका थाक्रे गाउँपालिका अध्यक्ष रामकुमार आचार्यले थाक्रेको बिकासमा आफ्नो सदैव ध्यान गईरहेको बताउनुभयो ।

२ सय ४० बर्षको एकतन्त्रको शासनलाई अन्त्य गर्दै आएको यो शासनमा अब बिकासको लहर छाउन पर्ने कुरामा उहाँको जोड थियो । थाक्रे गाउँपालिका वडा नम्बर ३ का अध्यक्ष बिजय तामाङले नयाँ भवन बनेको र काम गर्न पनि सजिलो भएको बताउनुभयो । उनले वडा कार्यालयलाई पूर्वाधार र प्रविधि मैत्री बनाउन गाउँपालिकाले हर तरहले कोशिश गरेको बताउनुभयो ।कार्यक्रममा वडा कार्यालय भवन बनाउन जग्गा दिने जग्गादाताहरुलाई दोसल्ला ओढाएर सम्मान समेत गरिएको थियो ।