आँखामा हुने अन्धोपन न्युनीकरण गर्न नीलकण्ठका स्वास्थ्य स्वयंसेविकालाई तालिम

धादिङ,१३ बैशाख
सामुदायिक महिला स्वास्थ्य स्वयंसेविकाहरुका लागि आयोजित दुई दिने पुनर्ताजगी तालिम धादिङबेशीमा सम्पन्न भएको छ । तिलगंगा सर्जिकल आँखा केन्द्र धादिङको आयोजना तथा हिमालयन क्याटा¥क्ट प्रोजेक्टको सहयोगमा दुई दिने पुनर्ताजगी तालिम आज सम्पन्न भएको हो ।आँखामा हुने समस्या कम गर्ने उदेश्यले सामुदायिक स्वास्थ्य स्वयंमसेविकालाई तालिम प्रदान गरीएको तिलगंगा सर्जिकल आँखा केन्द्र धादिङका प्रमुख सुपेन्द्र तामाङले जानकारी दिनुभयो ।

तालिममा कर्नियामा फुलो परि हुने अन्धोपन रोकथामको उपाय, अन्धोपनका समस्या र यसका समाधान बारे थप उपचार गर्ने, समयमै अन्धोपन निवारणका लागि आवश्यक पर्ने प्रचार प्रसार बारे जानकारी तथा नेपालमा दृष्टिविहीन बनाउने प्रमुख कारणहरुको विषयमा छलफल गरिएको थियो । आँखाको प्राथमिक उपचार नपाएर आँखा नै गुम्ने तथा गम्भीर अवस्थामा अस्पताल पुग्ने दरलाई कम गर्ने र कर्नियामा हुने चोटपटकलाई निवारण गर्नको लागि तालिम संचालन गरिएको प्रशिक्षक बिमल पौडेलले बताउनुभयो।तालिममा नीलकण्ठ नगरपालिका भित्रका ५ जना स्वास्थ्यकर्मी र ३१ जना स्वास्थ्य स्वयंमसेविकाहरु गरी ३६ जनाको सहभागिता रहेको थियो ।

त्यसैगरी तालिम समापन कार्यक्रममा बोल्नुहुँदै जनस्वास्थ्य निरिक्षक शिव रानाले मानव सेवामा आँखाको दृष्टि जोगाउने काम नै सबे भन्दा महत्वपुर्ण रहेको बताउनुभयो ।तिलगंगा आँखा प्रतिष्ठान धादिङले विगत ३ वर्ष देखि महिला स्वास्थ्य स्वयंसेविकाहरुलाई ६\६ महिनामा आँखा सम्बन्धि प्राथमिक उपचार तालिम प्रदान गर्दै आएको छ । नीलकण्ठ नगरपालिकाका १४ वटै वडामा ६४ जना महिला स्वयमसेविकाहरुले नागरीकहरुको घरदैलोमा गएर सेवा दिइरहेका छन् ।

त्यसमध्ये ११ सय १९ जनालाई आँखाको सेवा प्रदान गरिएको छ। HCP कार्यक्रम हालसम्म नेपालको ४ वटा जिल्ला धादिङ, चितवन, नवलपरासी र सोलुखुम्बुमा संचालन भएको छ ।नेपाल आँखा कार्यक्रम तिलगंगा आँखा प्रतिष्ठानको परियोजना अधिकृत हस्त राईको अध्यक्षतामा सम्पन्न तालिममा नीलकण्ठ नगरपालिकाका उप प्रमुख दिपक विश्वकर्माको प्रमुख आतिथ्यता रहेको थियो । समापन समारोहमा HCP का कार्यक्रम प्रबन्धक अंशु सिह र कार्यक्रम संयोजक पिंकि कडरिया लगायतको उपस्थिति रहेको थियो ।