नेकपा एमाले धादिङ पोखरा सम्पर्क मञ्चको आयोजनामा भित्तेपात्रो विमोचन र रक्तदान कार्यक्रम सम्पन्न

पोखरा,८ बैशाख
नेपाल एमाले धादिङ पोखरा सम्पर्क मञ्चको आयोजनामा नयाँ बर्ष २०८१ सालको भित्तेपात्रो विमोचन र रक्तदान कार्यक्रम सम्पन्न भएको छ । धादिङ पोखरा सम्पर्क मन्चका अध्यक्ष गोकर्ण अधिकारीको अध्यक्षतामा सम्पन्न भएको कार्यक्रममा नेकपा एमाले जिल्ला कमिटी कास्कीका अध्यक्ष बैन बहादुर अधिकारी क्षेत्रीको प्रमख आतिथ्यता रहेको थियो । कार्यक्रममाम नेकपा एमाले बागमती प्रदेश कमिटीका सदस्य उमेश थापा र संयोजक वीर बहादुर थापाको विशेष आतिथ्यता रहेको थियो ।

कार्यक्रमलाई सम्बोधन गर्नुहुदै प्रमुख अतिथी बैन बहादुर अधिकारीले धादिङ पोखरा सम्पर्क मञ्चले गरेका सामाजिक कार्यको प्रशंसा गर्नुभएको थियो । विभिन्न पेशा तथा व्यवसाय गर्नको लागि पोखरा आउनुभएका धादिङका नागरिकहरुले व्यवसाय सँगै सामाजिक कार्यमा लागेको भन्दै उहाँले आगमी दिनमा पनि यस्ता सामाजिक कार्यलार्य निरन्तरता दिनको लागि आग्रह गर्नुभयो । संस्थाका सचिव रामप्रसाद दुवाडीले सन्चालन गर्नुभएको कार्यक्रममा विशेष अतिथी उमेश थापाले स्वागत मन्तव्य राख्नुभएको थियो भने संयोजक विर बहादुर थापाले कार्यक्रमको बारेमा जानकारी गराउनु भएको थियो ।