नेत्रावती डबजोङमा १४ औँ वाका कप तथा दोस्रो अध्यक्ष कप फुटबल प्रतियोगिता सुरु

धादिङ,२३ चैत
धादिङको नेत्रावती डबजोङ गाउँपालिकामा १४ औं वाका कप तथा दोस्रो अध्यक्ष कप २०८१ फुटबल प्रतियोगिता बिहिबारबाट सुरु भएको छ । खेलकुद क्षेत्रलाई अगाडी बढाउन र लुकेर रहेका खेलाडीहरुको प्रतिभा प्रस्फुटन गराउने उदेश्यले फुटबल प्रतियोगिताको आयोजना गरीएको हो। छार वाका राहा युवा क्लको आयोजनामा सुरु भएको प्रतियोगिताको बिहिबार गाउँपालिकाका अध्यक्ष मेघनाथ रिजाल र उपाध्यक्ष सितामाया चादेनले उद्घाटन गर्नुभएको हो ।

प्रतियोगितामा नुवाकोट ,धादिङ ,भक्तपुरसहितका जिल्लाबाट कुल ३२ टिमको सहभागिता रहेको छ ।प्रत्येकदिन ४ खेलहरु हुनेछन भने फाइनल खेल २०८१ बैशाख १ गते हुने आयोजकले जानकारी दिएको छ।प्रतियोगिताको विजयी टिमले नगद रु २ लाख र उपविजेता टिमले नगद रु १ लाख पुरस्कार प्राप्त गर्नेछन् ।