धादिङबाट ४ हजार ९ सय ११ जना परिक्षार्थीले एसइई दिदै

धादिङ,१४ चैत 
बुधबार देखि हुने माध्यमिक शिक्षा परिक्षा (एसइइ) को सम्पुर्ण तयारी पुरा भएको छ । धादिङमा यस वर्षको एसइइ परिक्षामा ४ हजार ९ सय ११ जना विद्यार्थीहरु सहभागी हुने शिक्षा विकास तथा समन्वय इकाइ धादिङका शाखा अधिकृत कृष्ण कुमार श्रेष्ठले जानकारी दिनुभयो ।
श्रेष्ठका अनुसार १ सय ५९ वटा विद्यालयको ४ हजार ९सय ११ जना विद्यार्थीहरु परिक्षामा सहभागि हुनेछन् ।

जसमध्ये २ सय ७ जना प्राविधिक विद्यार्थी, ११ जना ग्रेड बृद्धि तर्फका विद्यार्थीहरु रहेका छन् । गत वर्ष एसइइमा ५ हजार ४सय विद्यार्थी सहभागि भएका थिए । परिक्षा अवधिभर मर्यादित ढंगबाट परिक्षा संचालन गर्नको लागि जिल्लाका २४ वटा माध्यामिक विद्यालयलाई परिक्षा केन्द्र तोकिएको श्रेष्ठले बताउनुभयो । विगतमा २६ वटा परिक्षा केन्द्र तोकिएकोमा यस वर्ष करिब ४ सय विद्यार्थीको संख्या घटेकोले २४ वटा मात्र परिक्षा केन्द्र तयार गरिएको उहाँको भनाइ छ ।जिल्लामा ५२६ वटा सामुदायिक र ४८ वटा संस्थागत विद्यालय संचालनमा रहेका छन्।

फोटोः रामकोट माविको फेसबुकबाट
विद्यालयले विदाई गरेपछि प्रधानाध्यापकको साथमा खिचिएको सामुहिक तस्विर