धादिङका २० हजार २४ जना बालबालिकाले दादुरा–रुबेला बिरुद्धको खोप लगाए

धादिङ, ०९ चैत्र ।

धादिङका २० हजार २४ जना बालबालिकाले दादुरा–रुबेला बिरुद्धको खोप लगाएका छन् । फागुन १३ देखि चैत ७ गते सम्म संचालन गरिएको खोप अभियानमा धादिङका २० हजार २४ जना बालबालिकालाई खोप लगाइएको स्वास्थ्य कार्यालय धादिङले जनाएको छ ।

जिल्लाको धुनीबेशी नगरपालिकाका १७ सय ४८, थाक्रेका १९ सय ३८, गल्छीका १३ सय २१, गजुरीका १८ सय ७१, बेनीघाट रोराङका २८ सय १२, त्रिपुरासुन्दरीका १२ सय ४४, गंगाजमुनाका ९ सय ४२, रुवी भ्यालीका ६ सय १ र खानियावासका ७ सय ५७ जना बालबालिकालाई खोप लगाइएको छ।

त्यसैगरी नीलकण्ठ नगरपालिकाका ४ हजार ४७, नेत्रावती डबजोङका ४ सय ४७, ज्वालामुखीका ११ सय ८४, सिद्धलेकका ११ सय ४२ जना ९ महिनादेखि ५ वर्षमुनिका बालबालिकालाई दादुरा रुबेला विरुद्धको खोप लगाइएको स्वास्थ्य कार्यलय धादिङको तथ्याङकमा उल्लेख छ ।

२२ हजार ३९ जना ९ महिनादेखि ५ वर्षमुनिका बालबालिकालाई खोप लगाउने लक्ष्यका साथ संचालन गरिएको अभियानमा २२१ स्वास्थ्यकर्मी र ४४२ जना स्वयमसेवकहरु २२१ खोप केन्द्रमा परिचालन गरिएको थियो ।