बगैँचा पतंजली योग साधना केन्द्रद्धारा टुहुरा बालिकालाई सहयोग रकम हस्तान्तरण

बगैँचा पतंजली योग साधना केन्द्रले टुहुरा २ बालिकालाई सहयोग रकम हस्तान्तरण गरेको छ । गत माघ २८ गते नीलकण्ठ नगरपालिका वडा नं ८ अमरावती सामुदायिक वन गोडमेल गर्ने क्रममा विद्युतीय आरो आफ्नै शरिरमा रेटिँदा मुत्यु भएका साघुटारका ३८ वर्षीय राजकुमार श्रेष्ठका २ छोरीहरुलाई नगद सहयोग हस्तान्तरण गरेको हो ।

बिहीबार बगैचा योग साधना केन्द्रका अध्यक्ष बद्री सुवेदीले योग साधना केन्द्रका साधक साधिकाहरुबाट संकलन गरिएको २० हजार ७०१ रुपैँया मृतक राजकुमार श्रेष्ठका आमा मार्फत उनका छोरीहरलाइ हस्तान्तरण गरिएको बताउनुभयो ।

टुहुरो बनेका बालिकाहरुको पठनपाठनमा सहयोग पुगोस् भन्ने उद्देश्यले सदस्यहरुबाट संकलन गरिएको रकम सहयोग गरिएको उहाँको भनाइ छ । उक्त सहयोग रकमले बालिकाहरुको शिक्षामा सहयोग पुग्ने विश्वास व्यक्त गर्नुभएको छ ।