अन्तराष्ट्रिय श्रमिक महिला दिवसमा धादिङबेशीमा वक्तृत्वकला प्रतियोगिता

धादिङबेशी । धादिङबेसीमा ११४ औं अन्तराष्ट्रिय श्रमिक महिला दिवसको अवसरमा वक्तृत्वकला प्रतियोगिता सम्पन्न भएको छ ।

विहिबार नीलकण्ठ नगरपालिकाको आयोजनामा भएको प्रतियोगितामा सुनौलो भैरवी मावि का प्रशंसा श्रेष्ठ प्रथम हुनुभएको छ । त्यस्तै शंखादेवी मावि का अनिसा श्रेष्ठ द्धितीय, एड्भान्स एकेडेमीबाट मन्जिला श्रेष्ठ, रामकोट मा.वि बाट सुनिता विश्वकर्मा तृतीय र पञ्चकन्या मावि का विपसना गुरुङ सान्त्वना हुनुभएको छ ।

“महिलामा लगानी, सभ्य र समुन्नत समाजको थालनी शिर्षकमा वक्तृत्वकला प्रतियोगिता गरिएको थियो । प्रतियोगितामा प्रथम हुनेलाई नगद रु। ५ हजार, द्धितीयलाई ४ हजार, तृतीयलाई ४ हजार, सान्त्वना हुनेलाई २ हजार सहित प्रमाणपत्र प्रदान गरिएको छ ।

नीलकण्ठ नगरपालिकाका उपप्रमुख दिपक विश्कर्माको अध्यक्षतामा भएको प्रतियोगितामा नगरपालिका भित्रका १८ वटा विद्यालयका विद्यार्थीहरुको सहभागिता रहेको थियो ।