फुलखर्कमा गङ्गाजमुना ग्रामीण आँखा केन्द्र स्थापना,आँखा जंचाउन अन्यन्त्र जानुपर्ने समस्याको अन्त्य

धादिङबेशी । धादिङको गङ्गाजमुना गाउँपालिका वडा नं. ५ स्थित फूलखर्कमा गङ्गाजमुना ग्रामीण आँखा केन्द्रको स्थापना गरिएको छ ।
गङ्गाजमुना गाउँपालिका र तिलगङ्गा आँखा प्रतिष्ठान नेपालको समन्वय र सहकार्यमा उक्त केन्द्रको स्थापना गरिएको हो ।

गङ्गाजमुना गाउँपालिका स्तरीय गङ्गाजमुना ग्रामीण आँखा केन्द्रको अध्यक्ष एवं गाउँपालिका अध्यक्ष भक्त बहादुर लामाको अध्यक्षता एवं जिल्ला समन्वय समिति धादिङको प्रमुख नवराज अधिकारी क्षेत्रीको प्रमुख आतिथ्यतामा केन्द्रको उद्घाटन भएको थियो ।

आँखा केन्द्रको स्थापनाले अब गाउँबासीहरूले आँखाको विभिन्न चेकजाँच, उपचार, औषधी वितरण तथा अप्टिकल सम्बन्धी सेवाहरू सोही केन्द्रबाट लिन पाउने भएका छन् ।

आँखा केन्द्रको स्थापनाले गंगाजमुना गाउँपालिका बासीहरुलाई आँखाको समस्याका लागी धादिङवेशी जानु पर्ने समस्या अन्त्य हुने भएको छ ।