नीलकण्ठ–११ धमला ज्यामरुङमा माघ १ गते बृहत साँस्कृतिक कार्यक्रम हुँदै

धादिङ, २५ पौष ।
नीलकण्ठ नगरपालिका वडा नं ११ धमला ज्यामरुङमा माघ एक गते बृहत साँस्कृतिक कार्यक्रम हुने भएको छ । श्री शंखा देवी संरक्षण समाजको आयोजनामा माघे संक्रान्तिकोे अवसरमा बृहत साँस्कृतिक कार्यक्रम हुने भएको हो ।

वरिष्ठ पत्रकार ऋषि धमलाको प्रमुख आतिथ्यतामा राधा कृष्ण मन्दिरको प्रङगणमा कार्यक्रम हुने आयोजकले जनाएको छ । शंखादेबी मन्दिरको ब्यापक प्रचार÷प्रसार तथा पुरानो लोपोन्मुख गिर खेलको महत्व बारेमा जानकारी दिने उद्धेश्यले कार्यक्रमको आयोजना गरिएको शंखा देवी संरक्षण समाजले जानकारी दिएको छ ।

कार्यक्रममा चर्चित लोक गायक सुकदेव अधिकारी, गायिका विन्दु विहानी, सरूना दवाडी लगायत राष्ट्रिय तथा स्थानिय कलाकारहरूको समेत प्रस्तुती रहने छ । त्यसैगरी शंखादेबी ज्यामरुङ दरबार पन्चेबाजा समुहको प्रस्तुती,लाईभ दोहोरी लगायत अन्य प्रस्तुती समेत रहने आयोजकले जनाएको छ । कार्यक्रमको प्राईम टेलिभिजन र नीलकण्ठ एफ एम बाट प्रत्यक्ष प्रसारण समेत गरिने छ ।