“लैङ्गिक हिंसा र विभेदको अन्त्यमा पुरुषको भूमिका“ विषयमा ज्वालामूखीमा सचेतना कार्यक्रम

धादिङबेशी । ज्वालामूखी गाउँपालिकाले लैङ्गिक हिंसा बिरूद्दको १६ दिने अभियान अन्तर्गत सचेतना कार्यक्रम संचालन गरेको छ । गाउँपालिकाले “लैङ्गिक हिंसा र विभेदको अन्त्यमा पुरुषको भूमिका“ विषयकमा प्रत्येक वडामा कार्यक्रम संचालन गरेको हो ।

उक्त सचेतना कार्यक्रम बुधबार वडा नं ७ मा सम्पन्न भएको छ । गाउँपालिका उपाध्यक्ष धर्म बहादुर अर्यालको अध्यक्षता तथा वडा नं ७ का अध्यक्ष ज्ञानेन्द्र प्रसाद खकुरालको विशेष आतिथ्यतामा कार्यक्रम सम्पन्न भएको हो । कार्यक्रममा समाजमा लिङ्गका आधारमा गरिने भेदभाव, हिंसाका प्रकृति, यौन हिंसाको अवस्था, हिंसा हुने कारण लगायत हिंसा न्युनिकरणको विषयमा छलफल गरिएको थियो ।

जनप्रतिनिधी,सहकारीका महिला प्रतिनिधिहरु,आमा समुह, विभिन्न संघ संस्थाका प्रतिनिधीहरु तथा वडाका महिला तथा पुरुषको सहभागिता रहेको कार्यक्रममा ज्ञानु कडेलले सहजीकरण गर्नुभएको थियो ।

हालसम्म गाउँपालिकाको २, ३, ६ र ७ नं वडामा लैङ्गिक हिंसा बिरूद्दको १६ दिने अभियान अन्तर्गत सचेतना कार्यक्रम सम्पन्न भएको शिक्षा युवा तथा खेलकुद शाखा प्रमुख देवकी सिंखडाले बताउनुभयो । त्यसैगरी मंसिर २४ गते लैङ्गिक हिंसा बिरूद्दको १६ दिने अभियान अन्तर्गत गाउँपालिका स्तरीय सचेतना कार्यक्रम आयोजना गरिएको छ ।