धुनिबेशी –७ भगेरीस्थित उप्रेतीको घरमा आगोलागी,१२ लाख बराबरको क्षती

धादिङ । धादिङको धुनिबेशी न.पा.७ भगेरी स्थित नवराज उप्रेतीको घरमा आगोलागी हुँदा अन्दाजी १२ लाख बराबरको धनजनको क्षती भएको छ । आईतबार अन्दाजी ११ः३५ बजेको समयमा अचानक बिजुलीको तार सर्ट भई आगोलागी भएको हो ।

आगोलागी बाट ढुङ्गा माटोको गारोमा जस्ताले छाएको २ कोठाको कच्ची घर पुर्ण रुपमा नष्ट भएको छ । घरभित्र रहेको काठको दराज १ थान,काठको खाट २ थान,सोफा सेट १ थान,ग्याँस चुलो १ थान,ग्यासको सिलिन्डर २ थान,सुन ३ तोला,लत्ता कपडा सबै गरी अन्दाजी.बाह्र लाख मुल्य बराबरको धनजनको क्षति भएका जिल्ला प्रहरी कार्यालयले जानकारी दिएको छ ।

आगोलागी बाट मानविय र चौपायको क्षती भने भएको थिएन ।आगोलागी भएको खवर पाउनाका साथ ईलाका प्रहरी कार्यालय खानिखोला बाट प्र.नि.देवेन्द्र बहादुर शाहको कमाण्डमा १५ जनाको टोली खटि गई स्थानिय समेतको सहयोग आगो नियन्त्रणमा लिएका थिए ।