खनियाबासमा माओवादीको ३ महिने अभियान उद्घाटन : पौडी प्रतियोगिता,बृक्षारोपण र बाटो मर्मत

धादिङ । धादिङको सवै वडामा ३ महिने ‘जनतासंग माओवादी विशेष रुपान्तरण अभियान’ उद्घाटन गरेको माओवादी केन्द्रले खनियाबास गाउपालिकामा अलि पृथक पौडी प्रतियोगिता गरि अभियानको उद्घाटन गरेको छ ।

माओवादी केन्द्र खनीयाबास ३ ले वडा भित्र रहेको ल्याक्चे कुण्डमा पौडी प्रतियोगिता गरी चर्चामा आएको हो । ‘घरघरमा माओवादी, जनजनमा माओवादी’ भन्ने मुल नाराका खनियाबास ३ वडा कमिटिले ऐतिहासिक, पर्यटकिय सम्भावना बोकेको ल्याक्चे कुण्डको प्रचार प्रसारमा समेत सहयोग पुगोस भनि पौडी प्रतियोगिता गरिएको आयोजकले जानकारी दिएको छ । पौडी प्रतियोगिता हेर्न उल्लेखनिय दर्शकहरुको उपस्थिति रहेको थियो  ।

पौडी प्रतियोगिता समीर तामाङ प्रथम, सौगात तामाङ दोस्रो र रमेश तामाङ तृतीय भएका थिए । अभियान संयोजक परेम बहादुर तामाङको प्रमुख आतिथ्यतामा भएको उक्त प्रतियोगितामा मोईचालामाको अध्यक्षता रहेको थियो । खनियाबास गाउपालिकाका अन्य वडामा बाटो मर्मत देखि बृक्षारोपण सम्मको कार्यक्रम गरि अभियानको उद्घाटन गरेको छ ।