विन्दुकेशर महादेवको मन्दिरलाइ धार्मिक पर्यटकीय क्षेत्र बनाउछु : अध्यक्ष मेघनाथ रिजाल

धादिङ,१७ चैत
विन्दुकेशर महादेवको मन्दिरलाई आन्तरिक तथा बाह्य धार्मिक पर्यटकीय क्षेत्र बनाईने नेत्रावती डबजोङ गाउँपालिकाका अध्यक्ष मेघनाथ रिजालले बताउनु भएको छ ।विन्दुकेशर महादेवको मन्दिरमा स्नान स्थल,कपडा फेर्ने घर तथा शौचालय निर्माणको काम आगामी बर्षहरुमा सम्पन्न गरिने बताउनु भएको छ ।छिमेकी गाउँपालिकासँग समन्वय गरेर काम गर्ने भन्दै उहाँले विन्दुकेशर मन्दिरलाई व्यस्थित बनाईने बताउनुभयो ।

गाउँपालिकाको महत्वपुर्ण धार्मिक तथा पर्यटकीय क्षेत्रको रुपमा विकास गर्नको लागि आगामी बर्षहरुमा विशेष योजना ल्याएर काम गर्ने गाउँपालिकाका प्रमुख प्रशासकीय अधिकृत हरेराम शाहले बताउनु भएको छ ।जनप्रतिनिधिहरुले विन्दुकेसर महादेवको मन्दिरको भौतिक संरचनाको लागि निर्णय गरेर काम गर्ने भन्दै उहाँले उक्त स्थानलाई देश भित्र वा बाहिर पनि चिनाउनुपर्ने बताउनुभयो ।

मन्दिर सम्म जाने बाटोलाई व्यवपस्थित पारेपछि अहिले पुजा गर्न गएका भक्तजनहरुलाई सहज भएको छ । विन्दुकेशर महादेवको मन्दिरमा पुजा आराधना गर्दा मनले चिताएको कुरा पुग्ने मन्दिरका मुल पुजारी बाबुराम भुजेलले जानकारी दिनुभएको छ ।