हिमाल बचत तथा ऋण सहकारी संस्थाको २२ औँ स्थापना दिवसमा ५३ जनाले गरे रक्तदान

धादिङ,२९ फागुन।
हिमाल बचत तथा ऋण सहकारी संस्थाको २२ औँ स्थापना दिवसको अवसरमा ५३ जनाले रक्तदान गरेका छन्।सोमबार धादिङ अस्पताल परिसरमा ३८ जना पुरुष र १५ जना महिला गरी ५३ जनाले रक्तदान गरेको नेपाल रेडक्रस सोसाइटी धादिङ शाखाका कोषाध्यक्ष नारायण कुमार श्रेष्ठले बताउनुभयो।

हिमाल बचत तथा ऋण सहकारी संस्था लिमिटेडको आयोजना तथा नेपाल रेडक्रस सोसाईटी रक्त संचार सेवा केन्द्र धादिङको प्राविधि सहयोग रहेको थियो ।धादिङमा अभियानकै रुपमा रक्तदान कार्यक्रम आयोजना गरिदै आएको छ।

जिल्लामा रगतको चरम अभावलाई न्युनीकरण गर्नको लागी विभिन्न मेला, पर्व, उत्सव, विद्यालयको बार्षिक उत्सव, सहकारीको बार्षिक साधारण सभा लगायतको भेला हुने कार्यक्रममा रक्तदान कार्यक्रमको आयोजना गरी रगत संकलन गरीदैँ आएको छ। सोमबार भएको रक्तदान कार्यक्रममा नेपाल रेडक्रस सोसाईटी धादिङ जिल्ला शाखाका कोषाध्यक्ष नारायण कुमार श्रेष्ठले ५६ पटक रक्तदान गर्नुभएको छ।