ज्वालामुखी गाउँपालिकाको आयोजनामा एक हप्ते निःशुल्क दन्त शिविर हुदै

धादिङ,२८ फागुन ।
धादिङको ज्वालामुखी गाउँपालिकामा फागुन २९ गतेदेखी चैत्र ५ गतेसम्म एक हप्ते निशुल्क दन्त शिविर सन्चालन हुने भएको छ । दाँतको समस्या भएका विरामीहरुलाई उपचारमा सहज पु¥याउनको लागि गाउँमै स्वास्थ्य शिविर सन्चालन गर्न लागिएको गाउँपालिकाका अध्यक्ष यमनाद दनैले जानकारी दिनुभयो ।

स्वास्थ्य मानव जीवनको लागि महत्वपुर्ण विषय भएको भन्दै नागरिकहरुलाई स्वास्थ्य उपचारमा पहँुच पु¥याउने उदेश्यले गाउँपालिकाले विभिन्न स्वास्थ्य उपचार सम्बन्धी शिविर सन्चालन गर्दै आईरहेको दनैले नीलकण्ठ एफएमलाई जानकारी दिनभयो ।ज्वालामूखी गाउँपालिकाको आयोजनामा, हिमालयन हर्ट ट्रेकस एण्ड एक्सपिडिसन साथै भैरवी दन्तोकेयर धादिङवेशीको सहयोगमा ज्वालामुखी गाउँपालिका वडा नम्बर २ स्थित संस्कृत तथा साधारण माध्यमिक विद्यालयमा शिविर सन्चालन हुने भएको हो । शिविरमा किराले खाएको दाँत उखेल्ने, दाँत सफा गर्ने, साथै दाँतको समस्याको पूर्ण उपचार सहितको निःशुल्क सेवा प्रवाह गरिने स्वास्थ्य शाखा प्रमुख सुजन श्रेष्ठले जानकारी दिनुभयो ।